新聞類別
財經
詳情#
【明報專訊】港交所（0388）收購倫敦金屬交易所（LME）一事，綜合各方消息都似叫緊糊，小加總裁應該係最開心嗰個，皆因證明佢個「中國故事」sell得囉！尤其LME擺明車馬話要打開中國市場，兩個交易所隔空眉目傳情咁款。不過，上海期貨交易所理事長王立華噚日就話，研究推動國際化，要同LME競爭，算唔算一盤冷水淋落小加總裁度呢？
王立華喺「第九屆上海衍生品市場論壇」度話，作為推動中國期貨市場對外開放計劃的一部分，上海期交所計劃首先向外國投資者提供工業用金屬和貴金屬期貨合約交易，然後再提供其他合約嘅交易。更重要嘅係，王立華話上海期交所可能設立海外倉庫，同LME正面交鋒。
王立華：海外設倉 跟LME較量
眾所周知，LME恨喺大陸「開倉」恨到流晒口水，LME行政總裁Martin Abbott近排一接受傳媒訪問，都不斷回帶話要拓展中國市場，花時間喺中國建立網絡，終極目標係喺中國設立倉庫，等買賣雙方可以直接在內地實物交收。
另一邊廂嘅港交所，經常被視為代表「阿爺」買呢間佔全球八成交易量嘅金屬期貨交易所，喺金屬價格方面取得更大嘅「話語權」。如果「阿爺」落柯打要上海期交所真係走出去同LME對撼，咁真係一地眼鏡碎咯！
email:piano@mingpao.com
王立華喺「第九屆上海衍生品市場論壇」度話，作為推動中國期貨市場對外開放計劃的一部分，上海期交所計劃首先向外國投資者提供工業用金屬和貴金屬期貨合約交易，然後再提供其他合約嘅交易。更重要嘅係，王立華話上海期交所可能設立海外倉庫，同LME正面交鋒。
王立華：海外設倉 跟LME較量
眾所周知，LME恨喺大陸「開倉」恨到流晒口水，LME行政總裁Martin Abbott近排一接受傳媒訪問，都不斷回帶話要拓展中國市場，花時間喺中國建立網絡，終極目標係喺中國設立倉庫，等買賣雙方可以直接在內地實物交收。
另一邊廂嘅港交所，經常被視為代表「阿爺」買呢間佔全球八成交易量嘅金屬期貨交易所，喺金屬價格方面取得更大嘅「話語權」。如果「阿爺」落柯打要上海期交所真係走出去同LME對撼，咁真係一地眼鏡碎咯！
email:piano@mingpao.com
回應 (0)
