新聞類別
財經
詳情#
【明報專訊】噚日有內地行家同小琴講，話響北京舉行嘅國際證監會組織第37屆年會上面，見到中證監嘅新Logo。小琴印象中記得中證監之前一直係冇獨立Logo，噚日上佢地官方網站，亦都只係見到由中國國徽加上「中國證券監督管理委員會」字樣嘅標記，有證監會嘅人就解釋，新Logo暫時只會響重要活動上採用，慢慢先再泛用到其他方面。
雖然唔知中證監係咪真係打算換新Logo，之不過個圖案曝光之後就引嚟唔少聲音。先講返Logo圖案，由一條紅線構成三個三角形，驟眼睇有啲似個「公」字。
暫只在重要活動採用
有人就話個圖案應該係代表「三公」，因為中證監主席郭樹清成日強調證券市場應該堅持「公開、公正、公平」原則。不過咁，有內地股民就揶揄，個Logo睇落去無頭無尾，環環相扣而又層層疊疊，成個內地股市咁，走咗入去就唔駛旨意走返出嚟，簡直係綑縛大閘蟹果條鹹水草咁款，而且禍延三代，果然代表性十足喎。
眼利市民發現 涉嫌抄襲
更加有眼利嘅市民發現，中證監呢個新Logo好有可能涉嫌抄襲，仲搵埋一間叫「MOOSEART」嘅波蘭藝術設計及網頁設計公司Logo，同福建省三信集團嘅Logo嚟做對比，小琴望過，講真句除咗顏色同線條花紋之外，成個構圖都真係好相似。
email:piano@mingpao.com
雖然唔知中證監係咪真係打算換新Logo，之不過個圖案曝光之後就引嚟唔少聲音。先講返Logo圖案，由一條紅線構成三個三角形，驟眼睇有啲似個「公」字。
暫只在重要活動採用
有人就話個圖案應該係代表「三公」，因為中證監主席郭樹清成日強調證券市場應該堅持「公開、公正、公平」原則。不過咁，有內地股民就揶揄，個Logo睇落去無頭無尾，環環相扣而又層層疊疊，成個內地股市咁，走咗入去就唔駛旨意走返出嚟，簡直係綑縛大閘蟹果條鹹水草咁款，而且禍延三代，果然代表性十足喎。
眼利市民發現 涉嫌抄襲
更加有眼利嘅市民發現，中證監呢個新Logo好有可能涉嫌抄襲，仲搵埋一間叫「MOOSEART」嘅波蘭藝術設計及網頁設計公司Logo，同福建省三信集團嘅Logo嚟做對比，小琴望過，講真句除咗顏色同線條花紋之外，成個構圖都真係好相似。
email:piano@mingpao.com
回應 (0)
