新聞類別
財經
詳情#
【明報專訊】小琴上個禮拜去重慶玩，咁好經過人民路，突然發覺KFC個紅當當嘅標誌下面多咗個招牌，上面寫住「鄉村基」。咦？乜KFC個中文名唔係叫肯德基咩？幾時開始改咗名，改叫「鄉村基」架？
小琴行近小小先發覺，原來KFC同鄉村基兩個招牌就分屬兩間店面，互不相干。KFC員工話畀小琴聽，兩個招牌搭埋一齊純屬當年裝修嘅「歷史遺留」，大家習慣咗，都唔覺得有乜問題。
鄉村基賣米飯 唔賣薯條
KFC就全世界都認識啦，不過小琴同當地市民打聽先知道，原來呢間鄉村基就主打中式快餐，賣米飯唔賣薯條，喺當地生意一直都好好。行入店入面睇睇，果然發覺KFC排隊嘅人數甚至唔夠鄉村基咁多：睇來鄉村基就算日後要同KFC「守衛」個靚招牌位，都可能有幾分底氣。
再睇翻先知道，原來呢間鄉村基都頗有來頭，喺一間美國紐約交易掛牌嘅中資上市公司。只不過，同KFC相比，規模就細好多啦，目前喺全國淨係得200幾間店，仲集中喺中西部，而呢啲區域以外嘅人就睇怕冇乜聽講過間嘢。小琴就估計，如果下下都可以拍埋KFC隔籬，話唔定會形成非常之有效嘅宣傳效果，不過KFC心入面就唔知會唔會介意啦。更有甚者，同樣喺美國上市嘅優酷同土豆都可以喜結良緣，話唔定喺將來嘅某一日，KFC都有可能會同鄉村基合作，開番間叫「肯德鄉村基」嘅新餐廳，都幾有意思啊！
email:piano@mingpao.com
小琴行近小小先發覺，原來KFC同鄉村基兩個招牌就分屬兩間店面，互不相干。KFC員工話畀小琴聽，兩個招牌搭埋一齊純屬當年裝修嘅「歷史遺留」，大家習慣咗，都唔覺得有乜問題。
鄉村基賣米飯 唔賣薯條
KFC就全世界都認識啦，不過小琴同當地市民打聽先知道，原來呢間鄉村基就主打中式快餐，賣米飯唔賣薯條，喺當地生意一直都好好。行入店入面睇睇，果然發覺KFC排隊嘅人數甚至唔夠鄉村基咁多：睇來鄉村基就算日後要同KFC「守衛」個靚招牌位，都可能有幾分底氣。
再睇翻先知道，原來呢間鄉村基都頗有來頭，喺一間美國紐約交易掛牌嘅中資上市公司。只不過，同KFC相比，規模就細好多啦，目前喺全國淨係得200幾間店，仲集中喺中西部，而呢啲區域以外嘅人就睇怕冇乜聽講過間嘢。小琴就估計，如果下下都可以拍埋KFC隔籬，話唔定會形成非常之有效嘅宣傳效果，不過KFC心入面就唔知會唔會介意啦。更有甚者，同樣喺美國上市嘅優酷同土豆都可以喜結良緣，話唔定喺將來嘅某一日，KFC都有可能會同鄉村基合作，開番間叫「肯德鄉村基」嘅新餐廳，都幾有意思啊！
email:piano@mingpao.com
回應 (0)
