飲湯唔油膩　保鮮膜去油

好多人都鍾意飲湯，不過最怕有層肥油，原來撇油都有幾個方法！
 

1.保鮮膜去油法
將湯盛大碗中，冚保鮮紙後放雪櫃雪 1小時，拿走保鮮紙時油脂貼實保鮮紙上齊撇走。
 

2.冰敷法
用廚房抹紙包住冰塊，然後在湯面上輕抹，油脂一遇冷會凝固，就會黏在抹紙上。
 

3.隔油湯壺
這個 OXO的隔油湯壺，只要將活塞塞在壺嘴，倒入湯，上面的隔層連湯渣都隔埋，而壺嘴特低，有油就會浮面，一邊將湯倒出來，就可快速隔油。

資料來源︰蘋果日報2010年3月23日