麪包墊紙叮　吸水脹卜卜

好多人喺 Office叮麪包做早餐時，往往貪方便將麪包連膠袋一齊叮，結果搞到個包濕變成縮咗水嘅濕水包，你話邊會好食！ iCook廚具達人 Max話因為麪包濕氣重，啲水氣積住喺個袋度，所以先搞到濕，其實只要用張廚房紙墊住麪包，將水份吸收，咁就得嘞！
點解用廚紙墊住麪包叮就唔縮水？因為麪包面無冚住，水份可以蒸發，而麪包底散唔到嘅水份就有廚紙吸晒，麪包就可以保持乾爽。同樣道理，將麪包用蒸架墊高，亦可以令底部水氣散走。大家識叮未？

資料來源︰蘋果日報2010年8月17日