旺角夜市　粗口標語治垃圾蟲

【蘋果日報】旺角夜市昨晚年初三最後一天，砵蘭街一帶繼續有數十檔熟食小販擺檔，不少檔主稱今年可擺檔範圍縮小，亦不准佔用馬路，生意減兩三成。亦有檔主對過去兩年遊人隨處扔垃圾看不過眼，寫下粗口標語提醒：「咪做垃圾X，唔好周街揼。做人要有品，唔係含得X。」
不准擺馬路　生意跌三成
「早兩年太誇張，你喺佢面前同佢講，唔好周圍扔有垃圾桶，佢哋都兜口兜面（扔垃圾），成座山咁……真係好嬲吖嘛，你唔好話做生意呀，你自己地方，你都唔會堆咁多垃圾吖係咪先。」賣杯仔蠔的阿Ron三年來都有在旺角夜市擺檔，眼見遊人毫無公德心，於是創作粗口標語張貼提醒，非常見效：「個個見到就話：你可唔可以幫我扔呀？」
今年警方縮小夜市範圍，攤位僧多粥少下，不少檔主都要花數百元聘人通宵留守才能力保檔攤，賣燒肉和燒海鮮的李先生稱，今年除了年三十晚要凌晨12時才可開爐，大年初一至三晚上6至7時便可開檔，銷情不俗，每日賣出數百份牛柳粒，不過由於是首年擺檔，投資約兩至三萬元，有無錢賺仍要計計數。
至於第二年在旺角夜市賣青檸益力多梳打的Penny，攤位近亞皆老街，坦言位置不及去年在豉油街擺檔，加上警方限制攤檔不可擺出馬路，攤位比較窄令生意跌三成。
■記者鄧力行
長青網 - 一站式長者及護老者生活資訊網站