區內業主：樓價唔跌五成難買樓

【蘋果日報】太古城剛錄得一宗劈價200萬元成交，屋苑業主之一、68歲已退休的吳生表示，「其實減係好事嚟，不過就都未到一個合理嘅水準，仍然好高，後生都唔知點買法。」
兩個80後兒子未置業
他續指，所謂合理的水平，是指大家都能夠負擔的，認為整體樓價最少要下調50%，不然都很難置業。
育有兩子的吳生，他指，自己「上咗岸」就無問題，但家裏還有兩個80後未置業的兒子，屬於所謂的夾心階層，「公屋又冇資格、居屋冇資格，私樓貴得滯，都唔知點算」。吳生說，其中大仔從事金融行業，月入逾六萬元，因為私樓太貴，貴到「好離譜，係一個癲嘅階段」。
大仔一直有計劃置業，但認為還未是時候，怕高位接火棒。自己都有打算幫他們上車，「不過幫佢哋嘅時候，自己就要換樓。」
吳生透露，自己居住在一個實用600多呎的3房單位，市價料逾千萬元，雖然樓價升，但他卻不感到開心，「自己睇到都覺得唔合理，唔會高興，因為擔憂下一代，唔單單係自己嗰仔，都唔得安居，安居樂業最緊要。」