上海大智慧 收購AA Stock獲批

【明報專訊】近年「北水南調」，內地資金來港買埋唔少嘢，呢種情况亦發生喺財經資訊供應商身上。內地證券軟件、金融資訊供應商「上海大智慧」，將會全購本港「阿斯達克」（即「AA Stock」），但未有透露收購金額。國家發改委旗下嘅「利用外資和境外投資司」，噚日喺網站公告話，發改委已核准上海大智慧股份有限公司，收購阿斯達克網絡信息公司全部股權。內地知名公司 開發股票機軟件喺內地提到「大智慧」，股民應該無人不曉，事關內地不少證券行營業部內電腦或股票機，都會用大智慧證券軟件，市場佔有率高達85%。而「阿斯達克」最初由TOM集團於2000年4月成立，主要在香港提供財經資訊服務。涉「戰略」 須發改委批准現時中港兩地市場互動愈來愈多，大智慧也可能希望為其客戶提供更多港股資訊，所以買AA Stock。但為何要發改委批准﹖查一查這個「利用外資和境外投資司」，職能包括「對境外投資戰略、總量、結構、用匯的規劃」，買賣資訊可能也係「戰略」嘅一種。