奇洛出巡拉隊睇景

【明報專訊】奇洛李維斯昨日繼續在香港出動，為電影《太極俠》開會兼睇景。他昨晨已抵達觀塘的辦公室開會，接着展開睇景之旅，由石澳、上水、將軍澳、沙田九肚山再到旺角，六架車隊再加上記者採訪車，一隊車隊遊香港，相信下周正式拍攝時，奇洛預計要反轉香港來拍攝。


封嘴避鏡頭

奇洛約於下午2時從觀塘出發，戴上Cap帽配T恤、牛仔褲及腳踏在港購買的新波鞋，連日來他都是如此平民化打扮，但同樣顯得樣子嚴肅，眉頭緊鎖，一邊步行也不時與工作人員交談，即使記者問他是否選到心水拍攝地方？或是否習慣香港的炎熱天氣？他都未有回答，並迴避記者鏡頭。


大隊先驅車前往石澳石礦場，直入政府管轄地區，約逗留半小時再轉往邵氏影城；約大半小時，再直駛上水石湖墟政府物料處理處；約傍晚5時許再往沙田九肚山的草地山邊，更有工作人員講解與研究攝影機的拍攝位置；最後選擇於傍晚時分才殺入鬧市，到旺角朗豪坊內繼續巡視場地是否適合拍攝。


記者：鍾偉茵