OTO求翻身 搵苗僑偉做代言

【明報專訊】走樣新股豪特保健（OTO，6880）上市3個月就話要發盈警，只可以實現招股時盈利預測嘅約四成，搞到班股民對住佢啲按摩椅都「坐立不安」。可能因為咁，所以OTO響呢個月初，就推出一款叫做「足感Power Flex」嘅新產品，話透過推拿可以刺激腳底穴位，仲搵埋阿三哥苗僑偉做代言人，管理層仲對呢款新產品好有信心，認為比市場上同類腳底按摩器更受歡迎喎。


三哥「正氣警察」 形象深入民心

三哥過去嘅「正氣警察」形象深入民心，今次OTO搵佢代言，希望可以扭轉最近公司嘅負面形象。話時話，OTO有款專門按摩肩頸嘅產品叫「揼揼鬆」，畀人笑個名改得差，搞到揼散晒自己盤數，今次整隻腳底按摩器，唔知又係咪寓意要加快腳步，追番啲業績返嚟呢？