新聞類別
財經
詳情#
【明報專訊】福布斯中國慈善榜出爐，恒大地產（3333）主席許家印舊年捐出3.9億人仔榮膺「首善」。前三甲都由內房企業包攬。執掌合生創展（0754）同埋珠江投資嘅神秘富豪朱孟依以3億善款名列第二，位居第三嘅係內地商業地產一哥——大連萬達老總王健林，捐款2.3億。
近兩日內房板塊大旺，睇住啲老總樂善好施，小琴自然更加有信心。大佬捐錢多，自然係年景好，搵得多，股東入袋都多啲啦。話時話，小琴其實親眼見證「首善」誕生。
舊年6月尾，恒大邀請小琴出席清遠旅遊項目開幕禮，嗰日可謂眾星雲集：彤叔、大劉有捧場，范冰冰、趙本山有畀面，就連廣東省長黃華華都唔缺席。恒大當日一擲3億，捐助廣東扶貧濟困，主要投向清遠市。
慈善又點會無回報？許家印在清遠市豪捐3億，當地政府自然識做，清遠旅遊項目自然順風順水；放眼廣東省，各個地方政府亦都會畀面三分，攞地都易啲啦。所以，各位小股東亦毋須肉赤。話說許家印為足球豪花10數億，換來恒大知名度如日中天，且培養出一批鐵粉（鐵杆粉絲），又唔可以話唔值得。
首百位富豪捐款額 按年少四成
講番今年富豪榜啦，總體來睇，今年上榜嘅富豪忍手咗好多，首百位富豪捐出現金47.9億人仔，比舊年少咗4成。上榜門檻都降咗，只要捐出1000萬就可以上榜啦，大家加油啊。
email:piano@mingpao.com
近兩日內房板塊大旺，睇住啲老總樂善好施，小琴自然更加有信心。大佬捐錢多，自然係年景好，搵得多，股東入袋都多啲啦。話時話，小琴其實親眼見證「首善」誕生。
舊年6月尾，恒大邀請小琴出席清遠旅遊項目開幕禮，嗰日可謂眾星雲集：彤叔、大劉有捧場，范冰冰、趙本山有畀面，就連廣東省長黃華華都唔缺席。恒大當日一擲3億，捐助廣東扶貧濟困，主要投向清遠市。
慈善又點會無回報？許家印在清遠市豪捐3億，當地政府自然識做，清遠旅遊項目自然順風順水；放眼廣東省，各個地方政府亦都會畀面三分，攞地都易啲啦。所以，各位小股東亦毋須肉赤。話說許家印為足球豪花10數億，換來恒大知名度如日中天，且培養出一批鐵粉（鐵杆粉絲），又唔可以話唔值得。
首百位富豪捐款額 按年少四成
講番今年富豪榜啦，總體來睇，今年上榜嘅富豪忍手咗好多，首百位富豪捐出現金47.9億人仔，比舊年少咗4成。上榜門檻都降咗，只要捐出1000萬就可以上榜啦，大家加油啊。
email:piano@mingpao.com
留言 (0)
