新聞類別
財經
詳情#
【明報專訊】呢排ETF密集上市，發行商為咗搶鏡，連「喬治布殊」都請來香港幫手推銷產品。一向服務機構投資者嘅易亞投資，作為第一個推出ETF（交易所買賣基金）嘅本地薑，噚日為咗推廣7隻零售ETF，專程請咗扮演美國總統喬治布殊嘅諧星Steve Bridges，演說ETF如何「殊不困難」。
小琴聽講，噚日易亞記者會如常進行完問答環節後，司儀神神秘秘話：「我哋今日邀請咗一位美國著名嘉賓，請大家歡迎美國總統喬治布殊」。
「布殊」出場 女記尖叫攝記亂閃
突然全場肅靜，隨即見到「喬治布殊」喺兩名鬼佬保鑣保護下直上講台，現場有一時唔知情况嘅女記者邊驚叫邊急急忙忙搵手機，攝記就一擁而上亂閃一通。
噚日去到現場嘅記者話，驚嚇過後仔細睇真兩眼，就發覺呢位「布殊」塊面硬硬哋，再想一想自己身處之地，就搞清楚原來係一場鬧劇。呢位「布殊」話，自己一直以來被人質疑智力，而今次佢都可以認真保證，自己確實明白易亞ETF嘅運行，「你可以買（ETF）、可以賣，仲可以沽空，就好似投資股票一樣。」佢仲時不時加上真布殊嘅一句口頭禪「No Brainer」，意指不假思索就可以做決定，即易亞ETF容易明白、簡單易用。
小琴翻查呢位扮演者Steve Bridges嘅資料，發現佢因扮相、聲音、動作都與布殊本尊如出一轍，喺2006年曾經與真布殊同場傾過計，睇嚟呢次主辦方真係花咗唔少心機同揼本。
email:piano@mingpao.com
小琴聽講，噚日易亞記者會如常進行完問答環節後，司儀神神秘秘話：「我哋今日邀請咗一位美國著名嘉賓，請大家歡迎美國總統喬治布殊」。
「布殊」出場 女記尖叫攝記亂閃
突然全場肅靜，隨即見到「喬治布殊」喺兩名鬼佬保鑣保護下直上講台，現場有一時唔知情况嘅女記者邊驚叫邊急急忙忙搵手機，攝記就一擁而上亂閃一通。
噚日去到現場嘅記者話，驚嚇過後仔細睇真兩眼，就發覺呢位「布殊」塊面硬硬哋，再想一想自己身處之地，就搞清楚原來係一場鬧劇。呢位「布殊」話，自己一直以來被人質疑智力，而今次佢都可以認真保證，自己確實明白易亞ETF嘅運行，「你可以買（ETF）、可以賣，仲可以沽空，就好似投資股票一樣。」佢仲時不時加上真布殊嘅一句口頭禪「No Brainer」，意指不假思索就可以做決定，即易亞ETF容易明白、簡單易用。
小琴翻查呢位扮演者Steve Bridges嘅資料，發現佢因扮相、聲音、動作都與布殊本尊如出一轍，喺2006年曾經與真布殊同場傾過計，睇嚟呢次主辦方真係花咗唔少心機同揼本。
email:piano@mingpao.com
回應 (0)
