新聞類別
財經
詳情#
【明報專訊】控制本地老牌銀行創興銀行（1111）的廖氏家族上年出現糾紛，有家族成員不滿大哥廖烈文將家族旗艦公司廖氏集團股份，賣畀佢個仔廖駿倫做大股東嘅民豐（0279），最終廖烈文仲被迫踢出局，要賣返晒啲股份畀一班兄弟。不過有人歡笑有人愁，原來廖氏集團股權洗牌後，四佬廖烈智持股量由25.6%勁升到42.1%【見表】，可以話係今次家族糾紛最大贏家。
股權急升到42.1% 眾兄弟之冠
話說民豐收購廖氏集團衰咗之後，聽講廖烈文因為家族壓力，上年5月向民豐回購番175,714股廖氏集團股份，其中150,540股股份轉賣畀其他家族成員，其餘25,174股就由廖氏集團用廖企（0194）股份做代價回購番。
睇番最新股權分佈，原來烈智係大贏家，皆因大佬賣出嚟嗰批股份，有75%係落咗佢袋，令到佢喺廖氏集團股權由原來嘅25.6%急升到42.1%，其餘就由三佬烈武同烈忠瓜分，雖然同樣係家族大股東，但烈智同第二大股東持股量差距，由原來唔夠2個百分點，到家爭成差不多兩成，地位非常穩固。
今年已經年過70嘅烈智，1961年開始出任銀行董事，一直負責銀團貸款業務，家已經係創興銀行董事總經理兼行政總裁。正所謂各有前因莫羡人，小琴聽講佢投資有道，早年投資海外物業獲利甚豐，喺兄弟中身家最厚，所以當年幾個細佬烈道、烈英同烈正退出家族公司，股權都係由佢接手，家先至可以成為家族話事人囉。
email:piano@mingpao.com
股權急升到42.1% 眾兄弟之冠
話說民豐收購廖氏集團衰咗之後，聽講廖烈文因為家族壓力，上年5月向民豐回購番175,714股廖氏集團股份，其中150,540股股份轉賣畀其他家族成員，其餘25,174股就由廖氏集團用廖企（0194）股份做代價回購番。
睇番最新股權分佈，原來烈智係大贏家，皆因大佬賣出嚟嗰批股份，有75%係落咗佢袋，令到佢喺廖氏集團股權由原來嘅25.6%急升到42.1%，其餘就由三佬烈武同烈忠瓜分，雖然同樣係家族大股東，但烈智同第二大股東持股量差距，由原來唔夠2個百分點，到家爭成差不多兩成，地位非常穩固。
今年已經年過70嘅烈智，1961年開始出任銀行董事，一直負責銀團貸款業務，家已經係創興銀行董事總經理兼行政總裁。正所謂各有前因莫羡人，小琴聽講佢投資有道，早年投資海外物業獲利甚豐，喺兄弟中身家最厚，所以當年幾個細佬烈道、烈英同烈正退出家族公司，股權都係由佢接手，家先至可以成為家族話事人囉。
email:piano@mingpao.com
留言 (0)
