港人退休信心差過上海

【明報專訊】香港人工作辛苦程度，都算世界數一數二啦，只不過唔知退休生活質素又排到第幾呢？近排美國萬通（Mass Mutual）委託港大，喺香港同上海分別搞咗個調查，問吓大家「有信心過一個滿意的退休生活嗎？」。結果顯示，香港人同上海人嘅「退休信心指數」分別係6.1同6.9，而香港無論男女個預算退休年齡，都遲過上海人，平均計落會計劃定做多4年幾咁多。


望住啲數字，小琴就忍唔住嘆一啖氣：唔通我哋香港人辛苦慣咗，唔返工唔開心？或者覺得自己愈老愈值錢，費事浪費啲智慧？個報告都有講，大多數香港人擔心未來未知數太多，擔心通脹、失業，仲要擔心患病，甚至仲有8個percent嘅受訪者擔心「太長命」。原來退休都唔等於輕輕鬆鬆歎世界，突然間小琴有少少心酸湧上心頭。


預算退休年齡 遲上海4年

個報告仲話，香港人缺少對自己身體嘅風險意識，超過五成都冇定期做身體檢查，但係上海人就有超過七成人每一兩年就會檢查一次。萬通當然順勢推銷公司的不設期限的年金收入，話可以令香港人退休少點煩惱。小琴就覺得未雨綢繆幾時都是好事，要怎樣理財，就要計清楚條數。


email:piano@mingpao.com