新聞類別
財經
詳情#
【明報專訊】國美電器（0493）董事會前主席陳曉因為辭職後「衰多口」向媒體唱衰國美，搞到要同舊公司對簿公堂，單官司噚日響北京開審，如果打輸咗，之前國美賠畀佢嘅千萬分手費隨時凍過水。
事緣陳曉2011年3月辭職後，響5月，內地一間財經媒體刊登〈國美事件再露面陳曉大爆國美財務漏洞〉文章，大量引述陳曉辭職後對國美嘅評論，例如話國美「高額費用導致供應商不堪重負」、「經營模式將難以為繼」，又話「國美股價已到頂，他本人將盡快拋售國美股票」等等。
雖然文章刊登後，陳曉澄清話報道係抽取佢私人閒聊時嘅片面內容，並非佢原意，亦唔代表佢觀點，但國美怒火難平，唔單止響港交所出聲明斥責內容失實，仲將陳曉告上法庭，話佢嚴重違反咗離職時同國美簽訂不得發表造成負面影響言論嘅協議，所以要佢還返1000萬嘅離職補償金。
國美指失實 告上法庭
其實陳曉同國美之間真係恩恩怨怨數唔清。國美創始人黃光裕2008年出事，陳曉臨危受命，2010年，身陷囹圄嘅黃光裕為爭奪國美控制權，發動家族成員同佢展開一場歷時多月嘅內鬥，雖然響黃家發起嘅特別股東大會中，有關罷免陳曉嘅提案未獲通過，但陳、黃之爭始終未息。
直到去年3月，國美宣布陳曉以陪家人為由提出辭職，外界都以為呢場國美控制權爭奪戰終於有結果，但點會諗到，因為一篇報道，陳曉要同國美繼續抗爭。
email:piano@mingpao.com
事緣陳曉2011年3月辭職後，響5月，內地一間財經媒體刊登〈國美事件再露面陳曉大爆國美財務漏洞〉文章，大量引述陳曉辭職後對國美嘅評論，例如話國美「高額費用導致供應商不堪重負」、「經營模式將難以為繼」，又話「國美股價已到頂，他本人將盡快拋售國美股票」等等。
雖然文章刊登後，陳曉澄清話報道係抽取佢私人閒聊時嘅片面內容，並非佢原意，亦唔代表佢觀點，但國美怒火難平，唔單止響港交所出聲明斥責內容失實，仲將陳曉告上法庭，話佢嚴重違反咗離職時同國美簽訂不得發表造成負面影響言論嘅協議，所以要佢還返1000萬嘅離職補償金。
國美指失實 告上法庭
其實陳曉同國美之間真係恩恩怨怨數唔清。國美創始人黃光裕2008年出事，陳曉臨危受命，2010年，身陷囹圄嘅黃光裕為爭奪國美控制權，發動家族成員同佢展開一場歷時多月嘅內鬥，雖然響黃家發起嘅特別股東大會中，有關罷免陳曉嘅提案未獲通過，但陳、黃之爭始終未息。
直到去年3月，國美宣布陳曉以陪家人為由提出辭職，外界都以為呢場國美控制權爭奪戰終於有結果，但點會諗到，因為一篇報道，陳曉要同國美繼續抗爭。
email:piano@mingpao.com
回應 (0)
