英國保誠管理層 變純「中文台」

【明報專訊】英國保誠（2378）管理層就嚟可以全面變「中文台」，小琴以往出席英國保誠的活動，有時候是要轉「英文台」，見到英國保誠香港行政總裁容佳明可以講中文，但如果係見到首席業務總監莊偉信（John Johnson）咁就要講英文，雖然小琴曾懷疑John係識聽中文，因為有時候佢唔使公關翻譯，好似都聽得明記者們問乜。踏入新一年，英國保誠香港分行就可以講晒中文，因為John上周最後一日在保誠返工，之後就作退休前休假。


首席業務總監莊偉信退休

John可以講係榮休，因為上個月英國保誠公布今年首9個月錄得新業務利潤15.35億英鎊（約191.87億港元），按年增長14%，亞洲區更增長20%，相信畀咗唔小壓力畀接班人。


上任兩年 業績彪炳

前年（2010年）2月時，小琴先恭喜John升任首席業務總監，佢當時負責管理逾4,500名英國保誠前線保險經紀，今年保險經紀人數創下新高，業績也彪炳，小琴知道有唔少理財顧問唔捨得John退休，相信以John喺市場咁豐富經驗，有好多公司想John出任顧問。小琴在此就祝阿John退休生活愉快。