【明報專訊】金道夫在年初曾以過來人身分，出版出了一本著作《金錢大帝》，講的是投資銀行家如何爾虞我詐，賺盡散戶一分一毫的「內幕」。在今年7月書展時，又推出新作《樓市敗局：十大不買樓的理由》，指出現時香港樓價偏高，縱或再有不理性的升幅，但從理性投資角度而言，現時入市，隨時「贏粒糖，輸間廠」。
書中的十大不買樓的理由，包括：
（1）人口老化；
（2）未來供應量會大增；
（3）投資回報率極低；
（4）未來息口只能上升；
（5）內地人購買力能否持續成疑；
（6）香港入息中位數10多年都沒有上升；
（7）政府不斷打壓樓市的政策風險；
（8）樓宇會不斷折舊；
（9）香港似乎漸失競爭優勢；
（10）不想一世幫地產商打工。
通脹初期 磚頭價才升
雖然金道夫不贊成現時才買樓，但並不鼓勵隨便出售自住物業。「我本書叫人哋家暫時唔好買樓，若擁有多過一層樓作投資，也可以考慮沽出。但如果賣咗自住層樓，風險較大，因為每次買賣嘅成本比股票高好多，有成10幾個巴仙，除非賣咗層樓之後，當你再想買番之時，樓價已經跌咗兩、三成以上，否則短線期間，冇人睇樓巿會睇得咁準，不過，如果已經賣咗層樓但仍未再次買樓人士，要睇定啲至好買喇。」
今年香港7月的年通脹率達7.9％，創過去16年新高，不少人都想到為抗通脹而買樓。「買磚頭抗通脹只是迷思，歷史上只在通脹初期，磚頭價會升，但香港這段樓價升幅可能已完成，現在買磚頭嘅回報率只係2厘幾，跑贏銀行按息唔多，亦追唔上通脹，除非租金回報率同通脹率一樣升得咁同樣快，雖然最近租金升得幾快，但係咪永遠仲升得咁快呢？因為香港人嘅人工冇可能長時間維持急升。」
股票巿盈率低 抵過買樓
金認為，與其買樓，要對抗通脹而又要低風險，可考慮直接存放人民幣在內地銀行（定存3年期息達5厘水平、港元1年定存息只有0.2厘），如可冒較高風險，可考慮買股。「今年好多人股票輸錢，現在股票好多都去番5倍PE（巿盈率），業績有20%至30％增長的公司也不少，派息都有5厘，我覺得家股票係抵買過樓。」
