「老廉剋星」全購無縫綠色

【明報專訊】近排都幾多公司出現股東內訌，除咗中國燃氣（0384），尋日又添一間，就係8字頭嘅無縫綠色（8150）。呢間公司上個禮拜一（8號）出公告話免去林炳昌主席一職，仲追溯到8月4日起生效，但就留任公司執行董事。

「被炒」後 考慮向監管機構投訴

點知無縫綠色尋日又出一個公告，話收到林炳昌嘅G.O.（全面收購建議），仲講到明話提出收購，係要鞏固喺公司嘅控制權，同埋令到公司管理層能夠喺唔受「影子董事」影響下履行職責喎！認真峰迴路轉。

噚晚夜深記者搵到林炳昌，佢話仲會考慮向監管機構投訴！

林炳昌提出以每股7毫半子G.O.，比起無縫綠色停牌前報價折讓成四成有多，睇個出價唔似會打動到其他股東。不過人稱「老廉剋星」鮋林炳昌已經搵鈬猛人幫手，收購建議合共兩億銀鮋總代價，會由英皇證券、中南證券、結好證券同埋民豐證券聯手提供貸款融資。

呢個公告係以「承唯一董事命」即林炳昌名義發出，除鰦個收購建議，公告仲爆料話，上個禮拜個罷免通告，林炳昌並未獲發正式通知，亦未接獲董事會任何投訴。欲知後事如何，大家就要拭目以待喇。