寶哥哥揸住拐杖撐母校

【明報專訊】香港地名校眾多，要省靚個金漆招牌，最直接既辦法就係搵番啲有名望既舊校友嚟撐場。好似名人輩出既傳統名校聖若瑟書院咁，噚日慶祝舊生會財經支會成立典禮上，就搵嚟多位份屬財經界猛人既舊校友現身支持。

戴埋當年校呔 忠誠一百分

最難得嘅，就係腳傷未癒嘅東亞銀行（0023）主席兼行政總裁李國寶，即使撐住拐杖亦要返番母校出席活動，佢噚日仲不忘戴番當年學校既領帶，可見佢對母校既忠誠。不過，同樣喺聖若瑟培育出嚟既「大賓架」、前恒生銀行主席利國偉噚日就未見蹤影。

話說回來，聖若瑟書院呢個舊生會財經支會成立目的，係為有意投身財經界既學生提供獎學金、經驗分享及指導、實習職位同埋職業輔導等支援。