中信泰富 小股東爆爭執

【明報專訊】中信泰富（0267）昨日開股東會，不滿集團拒絕提供文件畀警方調查08年炒燶外匯事件嘅小股東關注組，事先張揚會喺會上質問主席常振明，但估唔到關注組成員同主席擦不出大火花，反而同其他小股東嘈起上來。

中信泰富小股東關注組召集人梁國強喺會後就同小琴呻，話佢哋向常振明問了4、5條有關炒燶外匯事件的調查問題，前後總共花了半小時答問，但期間，有另一個股東表示不滿，話關注組一味只係問單官司，阻住其他關心公司發展嘅股東提問，結果小股東之間起了爭執，聽講仲有人報埋警銏。

其實會場外火藥味亦都唔少，原因係一眾記者畀酒店職員「安排」鰠一間會議室呆等，又企圖關埋房門唔畀記者望到出面情，記者出聲理論，酒店就同公關互相推莊，話係對方主意，結果「羅生門」之下，大家最後連常振明背影都見唔到。