新聞類別
娛樂
詳情#
【蘋果日報】【爆相爆片】陳展鵬今年4月做人父,老婆單文柔為佢生咗個囡囡小豬比(Quinta),自從做咗媽媽之後,單文柔就多咗喺社交網晒全家福。日前《蘋果》讀者Bobby透過「爆相爆片」分享,目擊陳展鵬夫婦去黃金商場買SD卡嘅經過。
今個月初,讀者Bobby當晚7點半左右,見到陳展鵬同單文柔逼入人頭湧湧嘅黃金商場買SD卡,Bobby話:「經過啲人只係望吓,冇乜反應,只係有啲舖頭嘅人伸個頭出嚟望吓佢哋。」未收身嘅單文柔可能半夜起身餵奶,加上冇化妝關係,黑眼圈好明顯,Bobby話:「佢哋都有戴帽,佢太太多數耷低頭,陳展鵬戴眼鏡,睇落好似好有自信咁。」
吓咗一聲
Bobby話陳展鵬夫婦初時入咗一間專賣相機記憶卡同USB嘅舖頭:「聽到陳展鵬話『吓,88蚊!』冇買走開咗,之後又問第二間舖,前前後後喺商場留咗15分鐘左右,最終有冇買到就唔知喇。」差唔多時間,單文柔喺Ig貼出新買貴價相機,仲留言:「終於有時間可以玩吓部相機,話說有次陳生見到我用手機拍的工作相,嘩,質感欠奉,放大解像度不夠,你可以再做好點!沒多久後,送來新相機,說後補生日禮物!好好好,我會好好學吓點用,等我影多些靚相先。後來我懷疑其實佢想影BB,多過影我。」
今個月初,讀者Bobby當晚7點半左右,見到陳展鵬同單文柔逼入人頭湧湧嘅黃金商場買SD卡,Bobby話:「經過啲人只係望吓,冇乜反應,只係有啲舖頭嘅人伸個頭出嚟望吓佢哋。」未收身嘅單文柔可能半夜起身餵奶,加上冇化妝關係,黑眼圈好明顯,Bobby話:「佢哋都有戴帽,佢太太多數耷低頭,陳展鵬戴眼鏡,睇落好似好有自信咁。」
吓咗一聲
Bobby話陳展鵬夫婦初時入咗一間專賣相機記憶卡同USB嘅舖頭:「聽到陳展鵬話『吓,88蚊!』冇買走開咗,之後又問第二間舖,前前後後喺商場留咗15分鐘左右,最終有冇買到就唔知喇。」差唔多時間,單文柔喺Ig貼出新買貴價相機,仲留言:「終於有時間可以玩吓部相機,話說有次陳生見到我用手機拍的工作相,嘩,質感欠奉,放大解像度不夠,你可以再做好點!沒多久後,送來新相機,說後補生日禮物!好好好,我會好好學吓點用,等我影多些靚相先。後來我懷疑其實佢想影BB,多過影我。」
回應 (0)