新聞類別
港聞
詳情#
【蘋果日報】問：「政府經常指「政治罪行」不移交，試圖安撫市民對《逃犯條例》修訂的憂慮，但政府的修訂建議真的能保障市民免因異見及或政治問題被移交？」
陳景生（資深大律師）：「依家政府當然會話「政治原因」不移交，但最大問題係：乜叫政治、乜叫唔係政治，邊個決定？除非引渡國儍儍哋，否則若要引渡政治犯，必然可以搵其他刑事罪名作掩飾，甚至《基本法》23條立法後會出現更大嘅詮釋空間。無論如何修訂都不具逼切性，唔應該倉卒而行，港府急修例反而令人覺得有hidden agenda，究竟修例係咪純粹香港自己決定？
「一國兩制」下，特區政府有責任維護香港任何人嘅人權所受嘅法律保障，包括移交後嘅人權保障是否仍有？呢點係行政機關維護法治嘅基礎。即使內地司法制度有改進都好，但仍然有理由相信，內地講嗰套未必係執行嗰套，港人對送中條例嘅憂慮，唔係危言聳聽，而係例子太多，但特區政府卻歸咎反對聲音係因為不理解。
港府一直唔敢評價內地同香港嘅司法制度差異，呢樣係香港市民最想知道，但特區政府完全冇出聲，反而帶你遊花園；而今次港府處理修例嘅方法，以及中聯辦閉門會議促建制支持，令人更擔心香港係咪真正有一國兩制。」
長青網 - 一站式長者及護老者生活資訊網站
陳景生（資深大律師）：「依家政府當然會話「政治原因」不移交，但最大問題係：乜叫政治、乜叫唔係政治，邊個決定？除非引渡國儍儍哋，否則若要引渡政治犯，必然可以搵其他刑事罪名作掩飾，甚至《基本法》23條立法後會出現更大嘅詮釋空間。無論如何修訂都不具逼切性，唔應該倉卒而行，港府急修例反而令人覺得有hidden agenda，究竟修例係咪純粹香港自己決定？
「一國兩制」下，特區政府有責任維護香港任何人嘅人權所受嘅法律保障，包括移交後嘅人權保障是否仍有？呢點係行政機關維護法治嘅基礎。即使內地司法制度有改進都好，但仍然有理由相信，內地講嗰套未必係執行嗰套，港人對送中條例嘅憂慮，唔係危言聳聽，而係例子太多，但特區政府卻歸咎反對聲音係因為不理解。
港府一直唔敢評價內地同香港嘅司法制度差異，呢樣係香港市民最想知道，但特區政府完全冇出聲，反而帶你遊花園；而今次港府處理修例嘅方法，以及中聯辦閉門會議促建制支持，令人更擔心香港係咪真正有一國兩制。」
長青網 - 一站式長者及護老者生活資訊網站
留言 (0)
