新聞類別
財經
詳情#
【蘋果日報】
自動駕駛少不了電動車呢個元素，鈷係必然材料，綜合學術分析文章內容後，發現鈷作為充放電池嘅材料，簡單講好處係電容量流失率低、衰退率減，暫無可替代。電池穩定、安全兼用上三幾年，現階段技術好難避開用鈷，所以廣泛應用喺智能手機同電動汽車上，尤其電動車要用好多鈷。
鈷每磅價格舊年曾見40美金樓上，而家低過20美金，都仲係貴金屬，拉高電動車成本，於是全世界都想研發鎳去取代鈷，估計最快2025年先有眉目。
講到鈷咁緊要，點解由舊年高位重挫六成？都係供求問題吧，鈷供應增加自然價錢走低，再加上手機行業一度低迷，電動車補貼減少，都係原因。大家咁想擺脫鈷對電動汽車界嘅影響，其一原因係供應集中喺剛果，假如剛果政局有乜風吹草動，影響供應就全球攬炒，絕對係地球不能承受。
近年洛鉬（3993）作為中國嘅鈷代表，前後用咗300億人仔去買剛果鈷礦，銷售鈷已佔盈利一半以上。鈷價大跌必然重創，面前明顯又危又機，但總算不是傳統金屬股嗰種死蛇爛鱔前景，等同玩大富翁有得抽下機會一樣，近排同金川（2362）一齊醞釀圓底，搞乜？之後再分析。
晉佳
http://fb.com/advanceguy1
本欄逢周一、三、五刊出
長青網 - 一站式長者及護老者生活資訊網站
自動駕駛少不了電動車呢個元素，鈷係必然材料，綜合學術分析文章內容後，發現鈷作為充放電池嘅材料，簡單講好處係電容量流失率低、衰退率減，暫無可替代。電池穩定、安全兼用上三幾年，現階段技術好難避開用鈷，所以廣泛應用喺智能手機同電動汽車上，尤其電動車要用好多鈷。
鈷每磅價格舊年曾見40美金樓上，而家低過20美金，都仲係貴金屬，拉高電動車成本，於是全世界都想研發鎳去取代鈷，估計最快2025年先有眉目。
講到鈷咁緊要，點解由舊年高位重挫六成？都係供求問題吧，鈷供應增加自然價錢走低，再加上手機行業一度低迷，電動車補貼減少，都係原因。大家咁想擺脫鈷對電動汽車界嘅影響，其一原因係供應集中喺剛果，假如剛果政局有乜風吹草動，影響供應就全球攬炒，絕對係地球不能承受。
近年洛鉬（3993）作為中國嘅鈷代表，前後用咗300億人仔去買剛果鈷礦，銷售鈷已佔盈利一半以上。鈷價大跌必然重創，面前明顯又危又機，但總算不是傳統金屬股嗰種死蛇爛鱔前景，等同玩大富翁有得抽下機會一樣，近排同金川（2362）一齊醞釀圓底，搞乜？之後再分析。
晉佳
http://fb.com/advanceguy1
本欄逢周一、三、五刊出
長青網 - 一站式長者及護老者生活資訊網站
留言 (0)
