招商局高層 想用人仔出糧

【明報專訊】小琴噚日去招商局春茗。席間大家講起喺春節年假，小琴啲行家似乎都留守香港，慨嘆通脹飛升，加上人仔升值，港人消費力大不如前，邊度都「去唔起」。招商局高層更講笑話，希望出人仔糧，唔要港元糧喎。

小琴心諗，招商局咁多人仔現金收入，真係出人仔糧，應當唔難，到時話唔定仲可吸納更多賢才。不過，一眾行家又點自保呢？有行家就分享貼士：每月利用中銀雙幣戶口，自動將部分港幣收入轉為人仔，避免貶值。

內地司機月入過萬

內地人工急升，會唔會令到招商局運營成本增加呢？招商局高層話唔擔心。因為其在內地的碼頭工人，薪水遠高於一般工人，更舉例話，一個碼頭貨櫃司機月入便過萬。內地頻繁調整最低工資，睇嚟對招商局影響都喺有限嘅啫。