新聞類別
港聞
詳情#
【蘋果日報】美國荷李活電影《龍兄鼠弟》，講述飾演雙胞胎的阿諾舒華辛力加與丹尼德維托相認，細佬高大健碩，大哥又矮又肥，自慚形穢，最終大團圓結局。現實中深水埗的「維記」亦有雙胞胎，一個在天，一個在地，以豬膶麵為賣點的地舖獲前特首曾蔭權光顧而爆紅，位於樓上街市熟食中心的維記，接連遇上大翻新，維修扶手電梯等原因，人流大受打擊，難得老闆娘樂天知命，以街坊小菜收服來自五湖四海的食客，笑言像羅致光所講「60歲是中年」不認老，希望做到80歲。
記者：莫家文 攝影：劉柏麟
走到北河街市二樓熟食中心的路有點迂迴，原先由地下直上的扶手電梯用圍板封死，街巿有兩部貨用及一部客用升降機可用，前者經常載貨上落，後者僅容納四至五人。維記奶茶咖啡的老闆娘傅太笑說：「係呀！人流係有啲影響呀！」但從其口中從不會聽到「死啦！」、「今次慘啦！」等負面說話，反而樂觀地說：「熟客一定識嚟，有啲人每年從加拿大、新加坡返嚟香港，都特登返嚟嘆杯奶茶。」
「有好多人遺忘咗樓上維記，不過做人冇乜所謂，我喺度做得幾開心。」
1995年落成的北河街街市，二樓熟食市場已經歷兩次大變身，第一次在2016年初大翻新，歷時九個月工程，今個月再圍封扶手電梯進行改裝，大約要兩個月才可完工。其中一檔受影響的食肆維記，早於七十年代在福榮街大牌檔起家，至1996年拆遷，上一代退休，傅太與丈夫決定搬上街市全面接手，另一遠房親戚則選址繼續經營街舖。「（地舖）嗰間維記係我哋親戚，牌檔搬上去時分家，各有各做。」
位於地舖的維記豬膶麵人盡皆知，獲前任特首曾蔭權巡視深水埗市面入店光顧而爆紅，日日大排長龍，普羅大眾對街巿的維記卻所知不多，「有好多人遺忘咗樓上維記，尤其係後生一輩唔鍾意上嚟，年紀大啲會上嚟坐慢慢嘆，不過做人冇乜所謂，搵兩餐就算，我喺度做得幾開心。」
街市是一個市區的縮影，食檔同樣如是，深水埗向來被指龍蛇混雜，不同國籍的人士聚居於此，融會成社區大熔爐。傅太認為無論是本地、內地、尼泊爾、印巴裔或非裔人，來到維記便是客，即使遇上奄尖食客，她亦貫徹做生意便要放低身段的態度待人，「有啲麻煩客人，話你份量少，話你唔好食，話要換過，你換佢就開心，我會換到佢好為止，唔啱換到啱，做人做事最緊要放得開。」
如此放得開的傅太，與自小在深水埗成長大有關係。她在區內居住了半個世紀，黑漢打人劈友的事件耳聞目睹，早已司空見慣，平日少不免有江湖人物在熟食檔打躉，遇上一言不合便反枱打架亦非新鮮事，傅太自有一套江湖生存技巧，「啲人隨手擸起玻璃樽同膠凳係咁飛，有時差人嚟就和解，拆唔掂就叫大佬嚟擺平，雙方坐喺度飲杯茶擺番兩圍，傾兩句就無事，依家古惑仔無以前咁巴閉。」她說來淡然，絲毫沒有風雲變色之態。
「雖然未必長命百二歲，我肯做到80歲……煮麵畀人哋食，人哋食得開心，自己又開心！」
既要百貨應百客，價錢亦應盡量做得貼地，以一客蒸魚套餐為例，冰室或茶餐廳索價五、六十元，維記四十元有老火湯有飯有飲品。「人哋條魚大啲，我哋同魚商訂貨熟咗，既要日日新鮮，黃鱲倉有成人手掌咁大，太陽魚細條啲，就畀兩至三條當一客，剛好足夠一個成人食飽，價錢相對合理。」其他如有鑊氣的乾炒牛河、白飯魚炒蛋等菜式亦要定期換款，俘虜老饕芳心。
曾有藝人在保險廣告中說過「更鋒利的刀都有生銹的一日」，同樣傅太已年過六十，獨生子不願當第三代揸弗人，她堅持與員工共進退，「連埋廚工、水吧、淥麵、洗碗、樓面，我有十個夥計，好多由上舖跟到依家，雖然未必長命百二歲，我肯做到80歲……兩個妹成日嗌我移民加拿大，自己淥麵自己食，生活好枯燥，點同呢度煮麵畀人哋，人哋食得開心，自己又開心，新年逗利是逗到手軟㖭！」言畢又徐徐走回櫃枱收錢，背影微彎卻自帶神采。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
記者：莫家文 攝影：劉柏麟
走到北河街市二樓熟食中心的路有點迂迴，原先由地下直上的扶手電梯用圍板封死，街巿有兩部貨用及一部客用升降機可用，前者經常載貨上落，後者僅容納四至五人。維記奶茶咖啡的老闆娘傅太笑說：「係呀！人流係有啲影響呀！」但從其口中從不會聽到「死啦！」、「今次慘啦！」等負面說話，反而樂觀地說：「熟客一定識嚟，有啲人每年從加拿大、新加坡返嚟香港，都特登返嚟嘆杯奶茶。」
「有好多人遺忘咗樓上維記，不過做人冇乜所謂，我喺度做得幾開心。」
1995年落成的北河街街市，二樓熟食市場已經歷兩次大變身，第一次在2016年初大翻新，歷時九個月工程，今個月再圍封扶手電梯進行改裝，大約要兩個月才可完工。其中一檔受影響的食肆維記，早於七十年代在福榮街大牌檔起家，至1996年拆遷，上一代退休，傅太與丈夫決定搬上街市全面接手，另一遠房親戚則選址繼續經營街舖。「（地舖）嗰間維記係我哋親戚，牌檔搬上去時分家，各有各做。」
位於地舖的維記豬膶麵人盡皆知，獲前任特首曾蔭權巡視深水埗市面入店光顧而爆紅，日日大排長龍，普羅大眾對街巿的維記卻所知不多，「有好多人遺忘咗樓上維記，尤其係後生一輩唔鍾意上嚟，年紀大啲會上嚟坐慢慢嘆，不過做人冇乜所謂，搵兩餐就算，我喺度做得幾開心。」
街市是一個市區的縮影，食檔同樣如是，深水埗向來被指龍蛇混雜，不同國籍的人士聚居於此，融會成社區大熔爐。傅太認為無論是本地、內地、尼泊爾、印巴裔或非裔人，來到維記便是客，即使遇上奄尖食客，她亦貫徹做生意便要放低身段的態度待人，「有啲麻煩客人，話你份量少，話你唔好食，話要換過，你換佢就開心，我會換到佢好為止，唔啱換到啱，做人做事最緊要放得開。」
如此放得開的傅太，與自小在深水埗成長大有關係。她在區內居住了半個世紀，黑漢打人劈友的事件耳聞目睹，早已司空見慣，平日少不免有江湖人物在熟食檔打躉，遇上一言不合便反枱打架亦非新鮮事，傅太自有一套江湖生存技巧，「啲人隨手擸起玻璃樽同膠凳係咁飛，有時差人嚟就和解，拆唔掂就叫大佬嚟擺平，雙方坐喺度飲杯茶擺番兩圍，傾兩句就無事，依家古惑仔無以前咁巴閉。」她說來淡然，絲毫沒有風雲變色之態。
「雖然未必長命百二歲，我肯做到80歲……煮麵畀人哋食，人哋食得開心，自己又開心！」
既要百貨應百客，價錢亦應盡量做得貼地，以一客蒸魚套餐為例，冰室或茶餐廳索價五、六十元，維記四十元有老火湯有飯有飲品。「人哋條魚大啲，我哋同魚商訂貨熟咗，既要日日新鮮，黃鱲倉有成人手掌咁大，太陽魚細條啲，就畀兩至三條當一客，剛好足夠一個成人食飽，價錢相對合理。」其他如有鑊氣的乾炒牛河、白飯魚炒蛋等菜式亦要定期換款，俘虜老饕芳心。
曾有藝人在保險廣告中說過「更鋒利的刀都有生銹的一日」，同樣傅太已年過六十，獨生子不願當第三代揸弗人，她堅持與員工共進退，「連埋廚工、水吧、淥麵、洗碗、樓面，我有十個夥計，好多由上舖跟到依家，雖然未必長命百二歲，我肯做到80歲……兩個妹成日嗌我移民加拿大，自己淥麵自己食，生活好枯燥，點同呢度煮麵畀人哋，人哋食得開心，自己又開心，新年逗利是逗到手軟㖭！」言畢又徐徐走回櫃枱收錢，背影微彎卻自帶神采。
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
回應 (0)
