女兒趙式芝結束同性婚姻 姚煒：從來唔承認何來離婚？

【蘋果日報】姚煒昨日到香港大學為電影《金大班的最後一夜》 出席座談會，對於與趙世曾所生的女兒趙式芝，跟波爾錶太子女楊如芯（Sean）被爆已經結束七年同性婚姻，姚煒說：「好好笑，從來都唔承認嘅婚姻何來離婚？一笑置之。」問到囡囡現在心情如何？她說：「我都有同佢講，人活得最緊要開心，盡量少傷害別人，做父母好難理會佢哋嘅感情事，佢哋咁大個有自己喜愛嘅事。」
溝通最緊要
問是否一開始就不看好這段婚姻？姚煒說：「好難話睇好唔睇好，依家個趨勢大家好容易離離合合，做女人以前要三從四德，但依家都唔會講呢啲，聖經以前夠話要結婚後先可以發生關係，不過依家聽起上嚟好似係一個笑話。」
姚煒表示一直有同囡囡溝通：「希望佢明白我所講，盡量希望佢做到，佢都係基督徒，知道人生應該點做，最緊要佢開心。」更直言以前用錯方法跟女兒溝通：「我以前淨係識得鬧，結果鬧走咗佢，依家就會同佢傾偈，始於溝通最緊要。」不過當問到式芝是否有新戀情而離婚，姚煒說：「我唔覺得係。」
此外，姚煒表示電影《金大班》從1984年推出至今已經35年，慶幸依然得觀眾喜愛，她說：「之前喺新加坡做過同樣嘅放映會，觀眾睇到唔捨得走，呢套電影帶畀我當年事業高峰
33年冇拍戲
至於可會再考慮拍戲？姚煒笑說：「我都已經做阿婆阿嫲啦，有乜戲癮呀，成33年冇再拍過戲。」
採訪：曹家誠
攝影：陳慧安
長青網 - 一站式長者及護老者生活資訊網站