拇指月牙消失　小心貧血甲亢

【蘋果日報】手指甲唔夠靚兼無光澤與維他命缺乏有關？皮膚科專科醫生陳湧表示，指甲健康與維他命不足無直接關連，是常見誤解，其實指甲及附近皮膚的護膚程序更重要，亦有不少人擔心指甲的月牙太細，隨時影響健康，原來若拇指沒有了月牙，或反映身體有其他問題要小心。


相關新聞：搣倒刺　易染甲溝炎指甲鉗剪走　忌酒精消毒

銀屑病徵兆

陳稱，月牙即「甲母質」，負責製造指甲的細胞，在正常情況下，佔整隻指甲約五分一的範圍。如拇指沒有月牙，可反映身體有不同毛病，例如貧血、荷爾蒙失調如甲亢等甲狀腺問題等，不能掉以輕心，「其他手指冇月牙可能只係睇唔到，或生得太入，唔能夠反映身體健康有問題」。


指甲表面猶如被冰鑿，出現一點點的凹陷小孔，陳指，可能是免疫系統疾病如銀屑病的表現，因為該病會影響患者表皮細胞的生長，影響了指甲的外觀。如指甲表面出現一條黑色直線，可以是生甲位置受黑色素細胞影響，例如生癦，也可能是患上其中一種皮膚癌黑色素瘤，需臨床檢查或進行組織抽驗可作出診斷。


■記者梁麗兒

想輕輕鬆鬆健康啲，記住留意健康蘋台

http://health.appledaily.com.hk/