回歸前後　移民心態相同

【蘋果日報】都說香港是個借來的時空，由清治到英治再到中共治下，歸屬感，對香港人來說相當陌生。1997前有移民潮，1997後也沒有停息過。李柱銘指出，回歸之後的中共越來越惡，特區政府又唯命是從，無奈的香港人，如果有資格便會想移民。
李柱銘說，香港回歸後，中共越來越惡，「以前嘅承諾好似一筆勾銷，好似2014年政制白皮書要全面管治權，（港人）有乜法子唔驚啫，一地兩檢就整咗一國一制落嚟，你做埋啲咁嘅嘢，唔到人唔驚嘅喎！」
雨傘運動後再掀移民潮
他批評中共收回香港後，不斷傷害香港核心價值，「特區政府又完全聽晒北京話，立法會又聽晒話，令港人好無奈，近年都冇人講民主，冇民主又點會有港人治港，現時係中聯辦治港，啲人點會安心，有資格嘅就移民」。
他指出，不少年輕一代具學歷及專業的港人都有移民意欲，雨傘運動後尤甚，「本來佢哋希望雨傘運動可以爭取到民主，但結果係（政府）冇理民意，現在（政府）再冇提民主，而且越來越離譜，變咗一國一制，又DQ議員，肯為香港做嘢嘅年輕人，你完全閘住佢哋」。
劉銳紹亦說，現時港人移民心態與回歸前港人移民心態相類似，以前香港人感覺不到內地壓力，如今卻親身感受到，一國兩制完全變形走樣。
劉銳紹又表示港人會「用腳」投票︰「現在想走嘅心態同當年係一致，錢可以喺第二度搵番，但長期享受到嘅相對民主自由，你共產黨畀我唔到，咪用腳顯示我嘅取向。」
長青網 - 一站式長者及護老者生活資訊網站