業主看好啟德升值潛力高

【蘋果日報】業主黃先生看好啟德區發展，覺得樓價升值比其他地方為高，於是賣出藍田匯景花園套現約千萬元，另加添約400萬元，換入新樓嘉匯3房單位。收樓那刻坦言：「嘉華唔係做好多新樓，驚驚哋！」所以自己只給70幾分。在驗樓前，他表示「暫時只可以講，表面可以接受。」
黃生收樓時表示，「近年新樓交樓質素差，而嘉華唔係做好多新樓，所以驚驚哋！但結果就無特別好驚訝或異常嘅東西。」當初擔心單位處低層，景觀差，甚至有壓逼感，但收樓現場看仍算開揚。
既然對嘉華樓質素有少少驚，為何仍揀撰嘉匯？他解釋，啟德將來發展令人有憧憬，數年後有大型體育館以至其他新設施，完成發展後，整個啟德區不錯，長遠來講，這裏顯得有點價值，碰巧當時這區新盤銷售嘉匯，結果抽中就買。他相信，如果樓市上升，數年後啟德樓升值幅度較其他地方高。
黃氏一家一直住藍田匯景花園，他坦言，該單位仍未供滿會，決定買入嘉匯後就將匯景花園單位賣掉換新樓，「好多人都係上咗車後樓換樓，細換大，最緊要銀行借到錢，供樓嚟講，每個月未必加好多。」他又稱，很多人說買樓自住，但其實是見利息平、樓價升，就向銀行借錢買樓。
料樓價難大跌
不過，他留意到本港整體樓價從高位回落，但認為樓價難再下跌，因目前較高峯期已下跌一成多，再跌一成多的機會微，因為看見當很多新盤減價，便已有很多人搶購。除非外圍因素導致香港經濟好差，「其實樓價應該可以維持，始終有剛性需求，香港好多人袋住啲錢，一有機會就買樓。」當然大市回落，啟德區樓價亦跟隨大市，「如果啟德真係跌到買入價，心理上覺得咩？升，當然開心。跌，心裏有少少唔開心。你會咁諗囉，但自住，無乜分別。」
長青網 - 一站式長者及護老者生活資訊網站