魚樂無窮：特別息概念三寶

【蘋果日報】A股農曆新年假期復市紅盤高收，帶動恒指埋單企穩28000大關，唔少人仍在爭論係熊二反彈還是牛市重臨，計我話估中牛市定熊市冇用亦冇獎，難得氣氛全面轉好，有得炒就炒才是上策。
東亞（023）、和電香港（215）、友邦（1299）有甚麼共通點？除咗股票編號都有個2字外，就係嚟緊都有機會派發特別息。
東亞及友邦今年同為成立100周年，兩者去年均曾表示，會考慮派發特別息，和電香港則憧憬將年前出售固網套現所得大筆現金派發；友邦借獲批在天津及河北設營銷部率先炒高，東亞則於昨日大棍崛起，和電香港亦在高位徘徊，似乎聰明錢早已作好部署，未上車的朋友，自己搵定放榜日子才決定博唔博吧。
玖龍紙業（2689）月初發盈警，倘撇除經營和融資活動滙兌虧損，截至去年底止中期盈利將不低於24億元人民幣，按年下跌約45%。值得留意的是，消息公佈後玖紙只急跌一下，旋即向上突破，事實上，經過去年調整後，玖紙市盈率跌至單位數，再配合人民幣轉強，有望來一個谷底反彈。
唐牛
http://fb.com/tongcow88
本欄逢周二、四刊出
長青網 - 一站式長者及護老者生活資訊網站