新聞類別
財經
詳情#
【蘋果日報】耀才（1428）每逢農曆年都會同行家食餐飯，今年更公佈用咗過千萬推出兩個App「寶寶」同「豆豆」，話一個係用嚟炒股、一個係炒期貨。主席葉茂林（Peter）話可以喺個App上載同行嘅單，根據張單轉會有佣金八折優惠，要保證全行最抵咁話。
有行家就問兩個名係點嚟，耀才行政總裁許繹彬（Edmond）就話，因為豆豆係炒期貨，好似粒豆咁萌芽，而寶寶就係「炒股法寶」，係公司團隊心思熟慮嘅決定。但其實個名大陸色彩都幾濃，似乎都係為內地股民而改。許繹彬仲話現時老人家玩WeChat、facebook都叻過自己，唔怕老一輩散戶唔識用App炒股。
今年葉茂林仲帶埋千金兼主席助理葉頴恩（Jacquelyn）介紹畀傳媒識，睇番阿女自2013年開始加入公司，由行政助理做起，之後升做董事總經理，現時做埋主席助理。仲記得葉茂林幾年前已經講過自己廿幾年都未正式放過假，好想交棒之後歎世界，睇嚟阿女離「坐正」日子不遠。
李華華
LiWaWa@AppleDaily.com
長青網 - 一站式長者及護老者生活資訊網站
有行家就問兩個名係點嚟，耀才行政總裁許繹彬（Edmond）就話，因為豆豆係炒期貨，好似粒豆咁萌芽，而寶寶就係「炒股法寶」，係公司團隊心思熟慮嘅決定。但其實個名大陸色彩都幾濃，似乎都係為內地股民而改。許繹彬仲話現時老人家玩WeChat、facebook都叻過自己，唔怕老一輩散戶唔識用App炒股。
今年葉茂林仲帶埋千金兼主席助理葉頴恩（Jacquelyn）介紹畀傳媒識，睇番阿女自2013年開始加入公司，由行政助理做起，之後升做董事總經理，現時做埋主席助理。仲記得葉茂林幾年前已經講過自己廿幾年都未正式放過假，好想交棒之後歎世界，睇嚟阿女離「坐正」日子不遠。
李華華
LiWaWa@AppleDaily.com
長青網 - 一站式長者及護老者生活資訊網站
回應 (0)
