新聞類別
健康
港聞
健康
詳情#
【蘋果日報】在Google搜尋「孟加拉」，其中一個關聯字是「Robert仔」。難怪Salma笑說，除了老虎外，香港人聽見孟加拉三字就會想起猜枚，「孟加拉呀孟加拉，Robert仔呀Robert仔」。
在香港居住的孟加拉人不足四千，Salma是其一，現就讀大學三年級，也是議員助理。她說廣東話流利過內地新移民，「食譚仔我叫清湯咋」；WhatsApp短訊也習慣用港式中文，「你係老餅」。身處外地，她都這樣介紹自己，「我係香港出世嘅孟加拉人」。
新春前夕，這個少數族裔辦年貨、寫揮春、整年糕，20年來首次度身訂做一個本土農曆新年，願望也夠晒港女，「減脂增肌，出線條出腹肌，爆三過四」。當香港被評為全球最悲觀地區第五位，她卻希望在這城落地生根，原因很老套，「會俾朋友笑」，但是心底話，「因為我好愛香港」。
撰文：王家文 攝影：何頴賢
相約Salma在灣仔太原街辦年貨，她做定功課，「攢盒唔可以冇糖蓮子、糖蓮藕……」，最想買是傳統賀年小吃芋蝦，「好耐冇見過，佢寓意係笑哈哈，同笑口棗差唔多意思」，可惜難找現成貨。各地小孩過年都糖不離手，孟加拉也一樣，「我哋啲糖果好搞笑，用好多奶去製造，好甜、好甜，甜到漏，好似食到會有糖尿病咁」。
孟加拉新年在4月15日，華人社會未過正月十五元宵佳節，仍是農曆新年，尤其年初二開年飯最重視，白切雞不能少，髮菜蠔豉更是好意頭。「我哋冇乜辦年貨」，Salma說，孟加拉是沿海國家，「就算過年都係食魚、食魚同埋食魚」，大戶人家則宰羊劏牛賀新歲。習俗有別，但意頭大同，「我哋都有好多紅色嘢，唔係貼又唔係掛，係着上身，代表幸福、幸運意思」；婦女也會戴首飾、掛披肩，象徵大富大貴。
「點解要成雙成對？」Salma第一次為農曆新年佈置家居，打算買一串掛飾，多得檔主謝太教路，「每年啲人都係買一對，冇人買一隻，即係好到合得嚟、融洽。好似踩單車，一個人踩冇意思，兩個人一齊踩咪好囉，有個伴」。街坊群姐也在旁提點，在門口掛上炮仗裝飾，可以除霉氣，「如果你屋企對門夠大，兩邊都掛就好靚」。市集有外傭買菜，也有遊客逛街，謝太笑言，少數族裔辦年貨、買揮春就甚少見，更說得一口流利廣東話，「佢算叻，ichiban（一流）」。群姐以為Salma來自印尼或馬來西亞，她聽慣不怪，也常被誤會是印度人，「我諗都合理，係似嘅」，最遠估到牙買加，飛人保特的祖國，「幾得意吖，估吓估吓當玩」。
據2016年中期人口統計，全港有逾58.4萬名少數族裔，孟加拉裔僅佔0.06%約3,500人，已經算多，因在2011年只得約700人。剛滿20歲的Salma是其一，全名叫Bakar Fariha Salma Deiya，中文名黛雅，父母在她出世前五年來港營商，從此定居。她自幼看港產片、讀報紙學中文，但中小學入讀非主流學校，同學都是少數族裔，不熟悉本土文化，「對（農曆）新年嘅認識係零」。
「有時我覺得自己好香港化，人哋未必睇到我邊忽似孟加拉……我覺得呢個係遺憾，未夠了解自己嘅國家。」
直至升讀大學，九成朋友都是香港人，「我會想知道佢哋點過節日」，隨年紀漸長，她發覺錯過了很多，「住喺香港咁耐，又唔慶祝番香港嘅節日，好似好怪，融入唔到」。孟加拉新年通常都上街慶祝，華人看重一家團聚，她最想感受，「一家人齊齊整整食飯，已經可以好開心，可能好多人覺得理所當然，但我好鍾意好強嘅家庭觀念」。
喜歡上港式農曆新年是念中六的時候，那年Salma在超級市場「炒散」做兼職，客人買禮過年，她負責包花紙，包得最多是藍色罐裝曲奇，「試過一個鐘包60盒」，還有金色包裝的朱古力。升上大學，她第一次到同學家拜年，也入鄉隨俗買罐曲奇賀年，朋友母親回禮，下廚炮製一碟煎蛋年糕，「第一次試，真係好好食」。
嚐過一口便忘不了，今年春節前，Salam專程到元朗菜園新村學整年糕和蘿蔔糕，煮蔗糖、搓糯米粉，還有刨蘿蔔絲，村民桂珍用心教導，「用柴火燒出嚟嘅年糕好食啲㗎」，她在旁苦學，半點不偷懶，「最難係搓粉，要好大力㩒落去」，又教桂珍孟加拉的祝福語「shubho nôbobôrsho」，寓意新年快樂。菜園新村的公家農地在小路旁，「我望住呢塊田，會諗起第二個孟加拉」。Salma的家鄉吉大港（Chittagong）是孟加拉第二大城市，親人住在農村，仍用柴火燒飯，全村只共用一個Wi-Fi，「係慢好多，但已經好滿足」。住慣香港，她坦言適應不了孟加拉的緩慢節奏，每兩年才回鄉一次，從沒感受過祖國的過年氣氛，傳統習俗都是從母親口中得知。
「有時我覺得自己好香港化，人哋未必睇到我邊忽似孟加拉，即係可能我對孟加拉嘅認識唔係好多。我覺得呢個係遺憾，未夠了解自己嘅國家」。但她仍以孟加拉血統自豪，無論身處何地，總會這樣介紹自己，「我係香港出世嘅孟加拉人」，一個是故鄉，一個是成長地，對她都同等重要，「就好似你係人哋個仔、邊個嗰阿哥，都可以有唔同身份」。
「我喺香港生活得好開心、好安全，又可以接受教育、就業，可能去到另一地方，就未必得到。」
在香港土生土長，她自覺幸運，從沒受過歧視，「我明白係存在，但我冇經歷過，可能係心態問題，我份人比較樂觀」。她是立法會議員郭榮鏗的兼職助理，半年前第一天上班，便被保安員攔住，「佢話：『唔該，添馬公園喺嗰邊』，以為我係去野餐，我覺得幾搞笑，自己都笑出嚟」。有些職員則以為她是張超雄的議員助理，也是另一種定型，「我唔會覺得係歧視，可能對佢哋嚟講係比較新奇」。
Salma現就讀城市大學三年級，跟很多年輕人一樣，雙十年華同樣愛玩愛蒲，但有時她自覺比起同學和朋友更加愛香港，「我見到分別就係，可能佢哋唔係好理香港啲時事」。在校內，她籌辦文化節推動種族共融；校外則是兒童事務委員會委員。「好多時我哋話後生仔係社會棟樑，我見唔到身邊嘅人為社會做緊啲嘢。但我都明嘅，可能因為香港本身好現實，同時扼殺好多夢想。」
近年香港走進困局令人生厭，這個少數族裔卻站在另一角度，去看這個全球最悲觀第五位的城市，「我喺香港生活得好開心、好安全，又可以接受教育、就業，可能去到另一地方，就未必得到」。半年前，她去柬埔寨當義工，很多小孩因為家貧要放棄讀書，打工養家。她問過當地一位母親有甚麼夢想，「佢話其實一家人齊齊整整已經好開心」。
Salma曾想過做立會議員，代表香港人發聲，當了半年議員助理卻令她猶豫，「好驚自己唔識處理公眾嘅批評，因為做議員俾人鬧係好正常」。但她仍想回饋這個給予她成長機會的地方，「因為我好愛香港，好想喺度落地生根、就業，貢獻社會，可能你覺得好表面，但其實20歲人仔，冇人會知道將來想做乜，但我相信，我係想為香港做番啲嘢」。長青網 - 一站式長者及護老者生活資訊網站
在香港居住的孟加拉人不足四千，Salma是其一，現就讀大學三年級，也是議員助理。她說廣東話流利過內地新移民，「食譚仔我叫清湯咋」；WhatsApp短訊也習慣用港式中文，「你係老餅」。身處外地，她都這樣介紹自己，「我係香港出世嘅孟加拉人」。
新春前夕，這個少數族裔辦年貨、寫揮春、整年糕，20年來首次度身訂做一個本土農曆新年，願望也夠晒港女，「減脂增肌，出線條出腹肌，爆三過四」。當香港被評為全球最悲觀地區第五位，她卻希望在這城落地生根，原因很老套，「會俾朋友笑」，但是心底話，「因為我好愛香港」。
撰文：王家文 攝影：何頴賢
相約Salma在灣仔太原街辦年貨，她做定功課，「攢盒唔可以冇糖蓮子、糖蓮藕……」，最想買是傳統賀年小吃芋蝦，「好耐冇見過，佢寓意係笑哈哈，同笑口棗差唔多意思」，可惜難找現成貨。各地小孩過年都糖不離手，孟加拉也一樣，「我哋啲糖果好搞笑，用好多奶去製造，好甜、好甜，甜到漏，好似食到會有糖尿病咁」。
孟加拉新年在4月15日，華人社會未過正月十五元宵佳節，仍是農曆新年，尤其年初二開年飯最重視，白切雞不能少，髮菜蠔豉更是好意頭。「我哋冇乜辦年貨」，Salma說，孟加拉是沿海國家，「就算過年都係食魚、食魚同埋食魚」，大戶人家則宰羊劏牛賀新歲。習俗有別，但意頭大同，「我哋都有好多紅色嘢，唔係貼又唔係掛，係着上身，代表幸福、幸運意思」；婦女也會戴首飾、掛披肩，象徵大富大貴。
「點解要成雙成對？」Salma第一次為農曆新年佈置家居，打算買一串掛飾，多得檔主謝太教路，「每年啲人都係買一對，冇人買一隻，即係好到合得嚟、融洽。好似踩單車，一個人踩冇意思，兩個人一齊踩咪好囉，有個伴」。街坊群姐也在旁提點，在門口掛上炮仗裝飾，可以除霉氣，「如果你屋企對門夠大，兩邊都掛就好靚」。市集有外傭買菜，也有遊客逛街，謝太笑言，少數族裔辦年貨、買揮春就甚少見，更說得一口流利廣東話，「佢算叻，ichiban（一流）」。群姐以為Salma來自印尼或馬來西亞，她聽慣不怪，也常被誤會是印度人，「我諗都合理，係似嘅」，最遠估到牙買加，飛人保特的祖國，「幾得意吖，估吓估吓當玩」。
據2016年中期人口統計，全港有逾58.4萬名少數族裔，孟加拉裔僅佔0.06%約3,500人，已經算多，因在2011年只得約700人。剛滿20歲的Salma是其一，全名叫Bakar Fariha Salma Deiya，中文名黛雅，父母在她出世前五年來港營商，從此定居。她自幼看港產片、讀報紙學中文，但中小學入讀非主流學校，同學都是少數族裔，不熟悉本土文化，「對（農曆）新年嘅認識係零」。
「有時我覺得自己好香港化，人哋未必睇到我邊忽似孟加拉……我覺得呢個係遺憾，未夠了解自己嘅國家。」
直至升讀大學，九成朋友都是香港人，「我會想知道佢哋點過節日」，隨年紀漸長，她發覺錯過了很多，「住喺香港咁耐，又唔慶祝番香港嘅節日，好似好怪，融入唔到」。孟加拉新年通常都上街慶祝，華人看重一家團聚，她最想感受，「一家人齊齊整整食飯，已經可以好開心，可能好多人覺得理所當然，但我好鍾意好強嘅家庭觀念」。
喜歡上港式農曆新年是念中六的時候，那年Salma在超級市場「炒散」做兼職，客人買禮過年，她負責包花紙，包得最多是藍色罐裝曲奇，「試過一個鐘包60盒」，還有金色包裝的朱古力。升上大學，她第一次到同學家拜年，也入鄉隨俗買罐曲奇賀年，朋友母親回禮，下廚炮製一碟煎蛋年糕，「第一次試，真係好好食」。
嚐過一口便忘不了，今年春節前，Salam專程到元朗菜園新村學整年糕和蘿蔔糕，煮蔗糖、搓糯米粉，還有刨蘿蔔絲，村民桂珍用心教導，「用柴火燒出嚟嘅年糕好食啲㗎」，她在旁苦學，半點不偷懶，「最難係搓粉，要好大力㩒落去」，又教桂珍孟加拉的祝福語「shubho nôbobôrsho」，寓意新年快樂。菜園新村的公家農地在小路旁，「我望住呢塊田，會諗起第二個孟加拉」。Salma的家鄉吉大港（Chittagong）是孟加拉第二大城市，親人住在農村，仍用柴火燒飯，全村只共用一個Wi-Fi，「係慢好多，但已經好滿足」。住慣香港，她坦言適應不了孟加拉的緩慢節奏，每兩年才回鄉一次，從沒感受過祖國的過年氣氛，傳統習俗都是從母親口中得知。
「有時我覺得自己好香港化，人哋未必睇到我邊忽似孟加拉，即係可能我對孟加拉嘅認識唔係好多。我覺得呢個係遺憾，未夠了解自己嘅國家」。但她仍以孟加拉血統自豪，無論身處何地，總會這樣介紹自己，「我係香港出世嘅孟加拉人」，一個是故鄉，一個是成長地，對她都同等重要，「就好似你係人哋個仔、邊個嗰阿哥，都可以有唔同身份」。
「我喺香港生活得好開心、好安全，又可以接受教育、就業，可能去到另一地方，就未必得到。」
在香港土生土長，她自覺幸運，從沒受過歧視，「我明白係存在，但我冇經歷過，可能係心態問題，我份人比較樂觀」。她是立法會議員郭榮鏗的兼職助理，半年前第一天上班，便被保安員攔住，「佢話：『唔該，添馬公園喺嗰邊』，以為我係去野餐，我覺得幾搞笑，自己都笑出嚟」。有些職員則以為她是張超雄的議員助理，也是另一種定型，「我唔會覺得係歧視，可能對佢哋嚟講係比較新奇」。
Salma現就讀城市大學三年級，跟很多年輕人一樣，雙十年華同樣愛玩愛蒲，但有時她自覺比起同學和朋友更加愛香港，「我見到分別就係，可能佢哋唔係好理香港啲時事」。在校內，她籌辦文化節推動種族共融；校外則是兒童事務委員會委員。「好多時我哋話後生仔係社會棟樑，我見唔到身邊嘅人為社會做緊啲嘢。但我都明嘅，可能因為香港本身好現實，同時扼殺好多夢想。」
近年香港走進困局令人生厭，這個少數族裔卻站在另一角度，去看這個全球最悲觀第五位的城市，「我喺香港生活得好開心、好安全，又可以接受教育、就業，可能去到另一地方，就未必得到」。半年前，她去柬埔寨當義工，很多小孩因為家貧要放棄讀書，打工養家。她問過當地一位母親有甚麼夢想，「佢話其實一家人齊齊整整已經好開心」。
Salma曾想過做立會議員，代表香港人發聲，當了半年議員助理卻令她猶豫，「好驚自己唔識處理公眾嘅批評，因為做議員俾人鬧係好正常」。但她仍想回饋這個給予她成長機會的地方，「因為我好愛香港，好想喺度落地生根、就業，貢獻社會，可能你覺得好表面，但其實20歲人仔，冇人會知道將來想做乜，但我相信，我係想為香港做番啲嘢」。長青網 - 一站式長者及護老者生活資訊網站
回應 (0)
