做經紀要有野心　更要揣摩人心

【蘋果日報】打交搶單，截車撈客，地產經紀為開單「冇底線」，是港人的集體印象。在行內工作15年的「碩士經紀」曾漢文，認為經紀不能行這一套；既要有搵錢的野心，亦要有揣摩人心的技巧。
2007年中，曾漢文港大哲學碩士畢業，主修病理學。他認為買磚頭是發達捷徑，毅然做經紀負責中環區商廈單位租賃，希望近水流台方便淘金。當時，他要上門找負責人推銷，卻常被接待處小姐擋下，「但畀你撞到老細，通常佢好樂意去傾，因為佢可以喺你身上攞資訊。」他於是習慣度橋繞過接待處，例如午飯時段才上門，「接待處人員通常好準時走去食飯，呢個時候㩒鐘，老細會開門。」若然打電話搵客，他會刻意說英語，「你一輪嘴咁講佢（接待處人員）就驚㗎啦，幫你駁入老細房。」他在2008年初成功開單，一炮過賺了53萬元佣金。
容易遇上「老闆級」客人
工作性質令他容易遇上「老闆級」客人，其中一位老闆想找人由零開始建立物業管理公司，「我心諗，我未做過唔代表唔識做。自己睇其他同行嘅年報、香港法例同問政府部門，結果揼到間公司，到現時都有錢賺。」
這位老闆眼見他「做到嘢」，在2015年想出售一個上水別墅時，先交給他獨家代理，逾30萬元的生意便因此上門。每年憑着可觀的佣金收入，曾漢文可不時補充銀彈，在大埔、上水等地區炒樓。度橋、湊老細和炒樓多管齊下，他35歲已賺得八位數字身家。
回想當初入行，曾漢文一度有少許掙扎，因為有進修博士的機會，可鋪路做實驗室助理，每月起碼穩袋3萬元人工，身邊亦有朋友對他入行做經紀感到疑惑，「佢哋好多覺得你轉行做經紀，都係貪錢。」但他認為外人只看到表面，因為經紀這職業同時是「識老闆」的橋樑，「成功嘅經紀唔係剩識帶人睇樓，關鍵係點幫老細級人物解決問題，幫到佢就會覺得你叻仔。」長青網 - 一站式長者及護老者生活資訊網站