四太管教嚴格　小時要匿埋打機

【蘋果日報】何猷君熱愛打機不是新聞，他曾切傷三隻手指入院，昏倒前還在擔心的是會有一個月不能打機。年僅23歲便成為上市手遊公司首席營銷官，為了打機，做過最瘋狂的事是甚麼？他說是小時候曾和哥哥到媽媽房間，偷出被鎖起的遊戲機。這個媽媽不是別人，正是賭王四太梁安琪。
四太對兒女管教嚴格，平時遊戲機會鎖在房間內的箱子，「呢個係最冒險最恐怖的秘密行動，策劃咗好耐，因為如果俾媽咪知道，一定鬧到我哋飛天的。」事隔多年，何猷君記得當初為了哪一種遊戲赴湯蹈火，「當時我同哥哥好想打新出的寵物小精靈綠寶石」，「記得好清楚，細個係會恐怖到匿係梳化後面打機。」最後東窗事發，「我哋管家報串的，唔記得係唔肯食飯定唔肯做功課，就講咗畀媽咪聽。」
公司上市感吐氣揚眉
當初打機被打壓，如今打至上市，有沒有吐氣揚眉的感覺？「梗係有啦！」何猷君瞪圓雙眼，得得戚戚，「現時每喺遊戲產業或電競產業獲到任何成績，都會用返呢個態度同媽咪報告。打機都可以上市、打機都可以好多粉絲。」第一次這麼得戚在四太面前「晒命」是甚麼時候？「就喺我上台敲鐘前一刻，咁佢冇辦法啦，有咩反應可以俾呢，咪反一反白眼，笑囉，拍一拍手掌為我開心。」長青網 - 一站式長者及護老者生活資訊網站