新聞類別
港聞
詳情#
【蘋果日報】受一股潮濕溫暖的海洋氣流影響，天文台昨錄得最高氣溫24.9℃，為史上最熱的大年初二。太陽高照下，不少市民換上短袖衫外出拜年，亦有人在下午時分已到尖沙嘴海旁一帶霸靚位，邊等賀歲煙花邊食雪糕消暑，令雪糕車大排長龍。維港上空昨晚依舊煙花璀璨，警方表示逾31.78萬人在維港兩岸觀賞「豬鼻」煙花，惟後來變得煙霧瀰漫，有攝影發燒友大嘆只有首5分鐘影到靚相，幾乎「乜都睇唔到」。
記者：鄧力行 嚴敏慧
天文台昨日錄得最高氣溫24.9℃，上水、流浮山等地方更曾錄得27至28℃，連天文台也在官方fb專頁發文，指昨日是有紀錄（1884年）以來最熱的大年初二。根據天文台資料，之前最高溫的大年初二是1928年及1973年，兩年均為24.4℃，而有紀錄以來最凍的大年初二則為1996年，最低錄得5.9℃，當日最高氣溫僅得8.4℃。今日天氣繼續溫暖，天文台預測，早晚會有幾陣霧及微雨，日間部份時間有陽光，氣溫介乎21至25℃。翻查紀錄，歷年最熱大年初三為1970年，最高氣溫25.6℃，今或再破紀錄。
大霧不散礙觀賞攝影
和暖的大年初二晚上，大批市民聚集維港兩岸觀賞賀歲煙花，為霸得靚位不少人更提早到來。坐輪椅的黃先生中午12時便到達尖沙嘴，「因為舊年睇唔到，今年時間許可咪嚟睇」。市民張先生則於下午1時來到，「好開心好期待，香港嘅盛事嚟」。看煙花亦是遊客熱門節目，深圳「龍友」陳先生帶齊單反相機和腳架等，下午3時到海旁霸位。一家大小從福建來港旅遊的楊小姐則稱，到港後才知大年初二有煙花，「第一次過來，來得這麼早，湊個熱鬧」。
歷時23分鐘共八幕的賀歲煙花準時晚上8時上演，三艘躉船共發放23,888枚煙花彈，當中不少煙花甚具過年特色，包括第一幕的「8」字型和金元寶煙花，第二幕的「豬鼻」等，不過「鼻孔」太細，只是兩點，市民大失所望。但隨着煙花越放越多，煙霧未能及時散去，天空變得有點朦朧，雖然大型煙花彈放上上空後仍能看到，但期望拍下煙花靚相的攝影發燒友則大受影響。
攝影發燒友蕭先生表示，煙花本身好看，但天氣較差，大霧不散影響觀賞，「我估好多幕都爆得好靚，不過係霧裏面呢，其實我睇唔到豬鼻，我真係乜都睇唔到」。葉先生則指煙花「初頭幾靚」，但其後風速太慢未能將煙吹散，現場看可以，但影相則不行，「背景都睇唔到，煙散得太慢……影咗頭幾張滿意，有交代㗎喇」。嚴女士指現場煙太大，令相片「唔sharp」，「啲煙花唔夠靚」，只有首5分鐘無煙影出來較漂亮。
長青網 - 一站式長者及護老者生活資訊網站
記者：鄧力行 嚴敏慧
天文台昨日錄得最高氣溫24.9℃，上水、流浮山等地方更曾錄得27至28℃，連天文台也在官方fb專頁發文，指昨日是有紀錄（1884年）以來最熱的大年初二。根據天文台資料，之前最高溫的大年初二是1928年及1973年，兩年均為24.4℃，而有紀錄以來最凍的大年初二則為1996年，最低錄得5.9℃，當日最高氣溫僅得8.4℃。今日天氣繼續溫暖，天文台預測，早晚會有幾陣霧及微雨，日間部份時間有陽光，氣溫介乎21至25℃。翻查紀錄，歷年最熱大年初三為1970年，最高氣溫25.6℃，今或再破紀錄。
大霧不散礙觀賞攝影
和暖的大年初二晚上，大批市民聚集維港兩岸觀賞賀歲煙花，為霸得靚位不少人更提早到來。坐輪椅的黃先生中午12時便到達尖沙嘴，「因為舊年睇唔到，今年時間許可咪嚟睇」。市民張先生則於下午1時來到，「好開心好期待，香港嘅盛事嚟」。看煙花亦是遊客熱門節目，深圳「龍友」陳先生帶齊單反相機和腳架等，下午3時到海旁霸位。一家大小從福建來港旅遊的楊小姐則稱，到港後才知大年初二有煙花，「第一次過來，來得這麼早，湊個熱鬧」。
歷時23分鐘共八幕的賀歲煙花準時晚上8時上演，三艘躉船共發放23,888枚煙花彈，當中不少煙花甚具過年特色，包括第一幕的「8」字型和金元寶煙花，第二幕的「豬鼻」等，不過「鼻孔」太細，只是兩點，市民大失所望。但隨着煙花越放越多，煙霧未能及時散去，天空變得有點朦朧，雖然大型煙花彈放上上空後仍能看到，但期望拍下煙花靚相的攝影發燒友則大受影響。
攝影發燒友蕭先生表示，煙花本身好看，但天氣較差，大霧不散影響觀賞，「我估好多幕都爆得好靚，不過係霧裏面呢，其實我睇唔到豬鼻，我真係乜都睇唔到」。葉先生則指煙花「初頭幾靚」，但其後風速太慢未能將煙吹散，現場看可以，但影相則不行，「背景都睇唔到，煙散得太慢……影咗頭幾張滿意，有交代㗎喇」。嚴女士指現場煙太大，令相片「唔sharp」，「啲煙花唔夠靚」，只有首5分鐘無煙影出來較漂亮。
長青網 - 一站式長者及護老者生活資訊網站
回應 (0)
