歌手劉威煌擲500萬開店

【蘋果日報】歌手劉威煌以月租15萬開設「珍煮丹」，以金額計，為去年最貴租奶茶舖。劉威煌2016年曾在葵涌廣場以加盟店資格開設珍奶店「清玉」，其後賣盤，自己再從台灣引入「珍煮丹」，做香港總代理。今次落重本投資500萬元，以月租15萬在銅鑼灣開店，收入約25%為遊客，試過一日最多賣1,800杯，月賺40萬元，盈利較葵廣舊店大增4倍，他形容市況較兩年前更激烈，開始進入汰弱留強階段：「好多人都睇好呢個行業而入咗嚟，但今年有實力嘅先會留低。」
盼長遠發展品牌
他堅持不做減價及買一送一優惠，認為要從產品着手：「獨沽一味出名，但係無其他配合嘅話，可能真係唔會長久。」市面上的珍奶店，一般由總代理一筆過交加盟或版權費引入香港，再迅速招募加盟商，先賺取加盟費，為總投資設止蝕位。
不過劉威煌開店逾半年，仍未招募加盟店，因為他跟台灣總店有共識，想長遠發展品牌：「大家都係穩陣派，台灣店開咗9年，只得廿幾間店，300組招商，得3間加盟店過關。」他形容對方如收加盟費，隨時過千萬，但對方寧願賺少點快錢，穩健擴張。
記者：梁延宇　陳新政
長青網 - 一站式長者及護老者生活資訊網站