斥梁麗瑩影響陳麟書

【蘋果日報】Bodibra陷入現時局面，姚冠邦直指關鍵人物是陳麟書的女友、落選港姐梁麗瑩（Devily）。他大膽指：「梁小姐貪威識食，鍾意show off，你睇佢Instagram都知，我覺得佢對Alan（陳麟書）有影響。以前跟Alan飲嘢，佢同我講好想同女朋友分手，想返屋企，我都話家庭最緊要，勸過佢好多次，後來我都放棄啦，佢分極分唔到，不過其實我睇唔起呢種人。」
他與陳麟書在英國讀大學時認識，及後各自回港發展，間中有食飯見面，算是好朋友，「我當初搵陳生合作，因為覺得佢份人幾乖，結咗婚有仔女。」
直至合作重整公司時，二人始出現分歧，「我覺得佢比較green、小朋友。例如佢會話去減同事佣金，佢諗好多呢啲，又唔慳自己，慢慢佢亦淡出公司運作。」他稱此後由姚氏夫妻打理公司，男主外，負責marketing；女主內，負責設計。
姚指對方本身愛玩，不理公司事本來份屬好事，二人關係仍然良好。但二人因梁麗瑩越走越遠，再因買遊艇決裂。由事業高峯到被踢出董事局，姚冠邦指在家陪伴子女的時間多了，有失亦有得，「更加理解生命，起起跌跌都係正常。係痛苦，但都係一個學習嚟。」有商界朋友想找他合作，但他想等事情完結，才有新開始。目前他只會作免費諮詢，他笑說其中一個建議是：「唔好同人拍檔！共富貴，就好多私心喺入邊。」
長青網 - 一站式長者及護老者生活資訊網站