新聞類別
港聞
詳情#
【蘋果日報】32歲女子謝秀君前晚電召GoGoVan在黃大仙遇車禍被拋出車外慘死，警方正循多個方向追查，包括出事客貨車當時是否在沒有載貨下違法取酬載客；《蘋果》記者昨日五度電召客貨車進行測試，結果在沒有貨物的情況下，一輛GoGoVan及一輛lalamove客貨車照樣接載，兩車車廂後座都有安全帶，但司機沒有提醒客人佩戴。有司機坦言因市道差，「唔博點養家！」
記者：金敏琍 梁瑞帆
記者昨透過手機App電召GoGoVan，但3名司機在發現記者無貨物後都拒絕接載，第4次再Call時，一名年約50歲司機駕客貨車到荃灣接載記者入機場，即使記者沒有貨物，只有隨身手袋，但他沒有多問，讓記者上車後，就開車往機場。記者坐在後座全程沒有戴安全帶，但司機沒有提醒或檢查記者有否扣好安全帶。
「至少開12個鐘」
對於前晚GoGoVan出事，司機稱不清楚，從記者口中獲悉事件經過後，他只說：「個女乘客肯定冇戴安全帶啦，如果唔係點撞都唔會拋出車外。」記者問公司會否有保險賠，司機稱：「公司點會賠吖，佢淨係提供一個平台畀你，其餘乜都係自己，賠唔賠可能要睇你有冇貨，但點為之貨物都有灰色地帶，可能你一件行李都唔當你係貨，因為你可以坐的士，要等個官判。」對於記者無貨他也接，他無奈表示：「要搵食就係要博，唔博點養家。」又謂若遇上警員放蛇，「畀人拉咗釘牌，咪惟有全家拎綜援囉。」
他說，現時GoGoVan有三萬多輛，加上經濟差，搵食艱難，「少咗好多裝修佬call車載貨，去工廠區有時都冇生意，現在有一半係散客（當的士咁）至少要開12個鐘先夠皮。」
其後記者又用手機電召lalamove客貨車出荃灣，司機駕車抵達一望記者兩手空空，就表示：「吓，你哋冇行李冇貨，唔載得啊。」記者稱剛送完機。司機面有難色說：「唉，咁你將個袋放車後面啦。」然後讓記者上車，司機同樣沒檢查記者有否扣安全帶。其間，記者提及前晚車禍，司機指：「個後生仔（司機）肯定係掛住㩒電話啦。」又謂自己有買保險，倘不幸出事，只要證實是送貨，相信保險都會賠，而其客人多是召車運貨，客貨車當的士搭的散客較少。
長青網 - 一站式長者及護老者生活資訊網站
記者：金敏琍 梁瑞帆
記者昨透過手機App電召GoGoVan，但3名司機在發現記者無貨物後都拒絕接載，第4次再Call時，一名年約50歲司機駕客貨車到荃灣接載記者入機場，即使記者沒有貨物，只有隨身手袋，但他沒有多問，讓記者上車後，就開車往機場。記者坐在後座全程沒有戴安全帶，但司機沒有提醒或檢查記者有否扣好安全帶。
「至少開12個鐘」
對於前晚GoGoVan出事，司機稱不清楚，從記者口中獲悉事件經過後，他只說：「個女乘客肯定冇戴安全帶啦，如果唔係點撞都唔會拋出車外。」記者問公司會否有保險賠，司機稱：「公司點會賠吖，佢淨係提供一個平台畀你，其餘乜都係自己，賠唔賠可能要睇你有冇貨，但點為之貨物都有灰色地帶，可能你一件行李都唔當你係貨，因為你可以坐的士，要等個官判。」對於記者無貨他也接，他無奈表示：「要搵食就係要博，唔博點養家。」又謂若遇上警員放蛇，「畀人拉咗釘牌，咪惟有全家拎綜援囉。」
他說，現時GoGoVan有三萬多輛，加上經濟差，搵食艱難，「少咗好多裝修佬call車載貨，去工廠區有時都冇生意，現在有一半係散客（當的士咁）至少要開12個鐘先夠皮。」
其後記者又用手機電召lalamove客貨車出荃灣，司機駕車抵達一望記者兩手空空，就表示：「吓，你哋冇行李冇貨，唔載得啊。」記者稱剛送完機。司機面有難色說：「唉，咁你將個袋放車後面啦。」然後讓記者上車，司機同樣沒檢查記者有否扣安全帶。其間，記者提及前晚車禍，司機指：「個後生仔（司機）肯定係掛住㩒電話啦。」又謂自己有買保險，倘不幸出事，只要證實是送貨，相信保險都會賠，而其客人多是召車運貨，客貨車當的士搭的散客較少。
長青網 - 一站式長者及護老者生活資訊網站
留言 (0)
