斷言近三年買樓花業主　99%要輸錢

【蘋果日報】香港樓價近月回落，訊匯證券行政總裁沈振盈斷言，近三年買樓花的業主，收樓時99%都要輸錢，「我由87年了解誠哥嗰系，現時已經不下三次都係高位套現，你邊個都可以唔信，但唔好唔信誠哥呀！」
指李嘉誠早看淡樓市
他指李嘉誠早有暗示看淡樓市，2014年長實領都以低於市價放售，千個千個單位放出市場，而中環中心2017年又以402億元放售，「你咁都睇唔到個市出事？佢係咁散水，表面你覺得佢係撤資，實質佢睇淡經濟所以出貨。」
他認為，2018年只是樓市下跌的開始，預期樓價第一波跌浪會跌三成，之後就會出現負資產、撻定潮、銀行call loan，而第二波將會是2019年第三、四季，到時會跌得更急，「遲啲跌返10年前個價呀！」
他預料藍籌屋苑較有實力，最多由高位跌三至四成會見底，但納米樓……大師只嘆一聲說，可跌至無底深潭。
「現時最大問題係樓市購買力已經吸乾，你唔跌到一定幅度，係唔會有購買力出嚟！」他指現時居屋半價賣，廿幾萬人出來申請，因為價低才谷出購買力，若維持現時高樓價根本不會有需求，只有大堆希望買樓的人，「上車根本唔使急下年買，等跌夠先，或者跌一半啦，跌兩三成我就唔覺得要買喇。」
長青網 - 一站式長者及護老者生活資訊網站