新聞類別
副刊
詳情#
【蘋果日報】穿起紅色外衣，黐上白色鬍子，每年聖誕節陳漢強（強哥）都會化身慈祥聖誕老人Santa Jim，四處出動逗小朋友開心，更曾代表香港出戰世界大賽奪得冠軍。脫下紅衣裝束，Santa Jim平日默默製作布偶，將想像呈現真實世界，又會變身魔術師，疑幻似真令人着迷定睛觀看，沒有生涯規劃，卻像故事書中人物，由無數的湊巧，滙集成一段夢幻人生。
記者：李晟謙
攝影：翁鈺輝 溫瑞麟
打開半身高的旅行篋，拿出粉底毛刷化妝掃白眉毛，拉開拉鏈袋選好鬍鬚梳理，張開閉合放鬆嘴唇肌肉，上唇黐上八字鬍，雙腳套上棕色靴子，左右肩先後穿過充撐成60吋腰圍的棗紅色外衣，最後掛上絡腮鬍鬚，戴起圓形眼鏡，不消五分鐘，強哥便變身成聖誕老人。Santa Jim走在街上揮一揮手，就已發放神奇魔力，不分老幼都笑面迎接爭相上前合照；再派糖給小孩就更受歡迎，沿途未見過Santa Jim停下休息。
相關新聞：台黑衣聖誕老人 專向露宿者送暖
「30幾年嚟，我全部工作都係對住啲小朋友多，整公仔係為小朋友睇，做節目都係為小朋友。」
一分鐘內，Santa Jim除下裝束變回真實世界的強哥。「我好似人格分裂咁，平時如果冇人傾偈，我可以好靜，由朝到晚一粒聲都冇」，坐在工廈單位走廊外的強哥，皮膚黝黑、中等身材，身穿T恤方便工作，正默默地在縫合布料，趕工製作布偶，「呢30幾年嚟，我全部工作都係對住啲小朋友多，譬如我整公仔係為小朋友睇，做嘅節目都係為小朋友」。
故事開始時，學生時期的「強仔」有六個兄弟姐妹，與父母一家九口住藍田區唐樓，每日放學回家便要幫忙做手作賺錢，「我好細個已經幫阿媽做手作嘢，我學識咗點樣繡花、油公仔」。當時的強仔雖覺得是苦差，心底裏卻未有抗拒，「我鍾意畫畫，鍾意好多手工藝，細細個已經周街執雪條棍，洗乾淨後我會用雪條棍造好多唔同嘅動物、飛機模型」，自得其樂更為日後經歷埋下種子。
後來強哥迷上了魔術，「嗰時未興（魔術），魔術亦係好難學嘅嘢，我哋通常睇書、現場睇人表演，到後來有魔術counter就去踎，睇人表演、買一啲小道具，一路識咗多啲人，就入埋魔術協會」，於是強哥順其自然地成為一個魔術師，為觀眾帶來驚喜和歡樂。
直至有一年臨近聖誕節的魔術表演，強哥構思內容時希望加入節日氣氛，「聖誕節當然做聖誕老人，我換咗衫之後已經全部小朋友圍住我，感覺好唔同，幾開心幾特別」。一次體驗已令強哥感受到聖誕老人的威力，於是保持用聖誕老人形象變魔術，強哥的故事由此又進入新一章。
2007年聖誕節，強哥原本接下的工作突然因主辦單位財困而取消，他趁空檔參加商場舉辦的聖誕老人運動會，一舉贏得賽事，大會當晚邀請他翌年到瑞典參加國際賽，想到自己「未去過咁遠咁凍嘅地方」便立即答應。不料翌年臨出發前一個月，金融風暴導致經濟不景，大會無奈通知強哥行程要取消，「即刻跌咗落嚟，冇諗過咁短時間話我聽停咗」。
再過一年，大會又再邀請強哥參加「世界聖誕老人大會」，這次終於順利出發，經過30多小時航程到達瑞典，零下氣溫的寒冬難掩強哥的雀躍，他僅穿短袖衫便下機，「可能係心態興奮，嗰陣時唔覺凍，一落機長老已經同我掉雪球、玩雪，好開心！」不過，到正式比賽時，見對手又高大又壯碩，沒有經驗的強哥一開始未想過勝出，「當玩嘅心態」。
不過，多年表演經驗的直覺，強哥的小魔術、小把戲成功吸引小孩，「我扭氣球或送糖畀小朋友，令廣場所有小朋友剎那圍住我 」，他說外國的聖誕老人以往多數只向小孩講故事、聊天，但見到派禮物的反應熱烈便立即模仿，到商場買糖派給小孩，這股吸引小孩的魔力令強哥奪冠，獲封為Santa Jim，「有架鹿車嚟叫我上車，畀鮮花咁，跟住兜個圈，嗰剎那太快，完全都唔知咩事，矇查查咁就贏咗！」
「如果你係聖誕老人，基本上係老人家對小朋友，你同佢玩、溝通，基本上唔係一份工嚟。」
得獎後強哥直言心態上變得更認真，「之前係扮嘅心態，之後係做嘅心態，兩個做法係有唔同，如果你係一個聖誕老人，基本上係一個老人家對小朋友，你同佢玩、溝通，基本上唔係一份工嚟」。強哥說聖誕老人最重要是接觸小朋友時的心態，沒有師傅，一切技巧都是個人經驗。
為保持小朋友對聖誕老人的信任，強哥表示行內有不明文規定，化身聖誕老人後除了不能食煙、飲酒、講粗口外，最重要是不能在小朋友面前變裝，「我哋喺小朋友面前唔會即刻換衫，一定去隱藏嘅地方， 你現場見到聖誕老人換裝、除鬚，會即刻感覺呢個（聖誕老人）係假嘅！」
面對小朋友30年，現今人人手執一部電子產品，強哥卻認為香港的小朋友始終相信聖誕老人，童心始終沒變，縱然他們的禮物要求越來越高，但強哥說不論飛機大炮，都會用扭氣球滿足小朋友的願望，「小朋友喺攞到氣球嗰剎那係好開心嘅，佢已經忘記咗要飛機大炮」。
「對住小朋友，其實佢哋係天真無邪嘅，你會直接感覺到佢哋對你真定假」，試過這種奇妙感覺，強哥想傳承予其他人，去感受相同的感覺，於是創立聖誕老人學院，開班教年輕人手工 、講故事、扭氣球、魔術等技巧，但稱得上徒弟的卻只有兩人，「始終都係接觸小朋友嘅工作，我想精挑細選一啲好嘅聖誕老人，寧願揀少啲但揀個好啲」，可惜其中一名徒弟今年2月卻因心臟病發不幸離世，聖誕老人都有離去一日。
不過，強哥直言不會退休，「聖誕老人冇退休嘅，我見過最老嘅聖誕老人有90幾歲，到依家都仲做緊」，他說聖誕老人是「一個幾神聖嘅任務」，每年11月強哥都會到瑞典拜訪聖誕老人長老，他形容彼此關係形同父子，「一到聖誕節自己好開心、興奮，每年諗起聖誕節到唔同地方，可以同朋友見面，你諗吓一個英文都唔識多句嘅人，可以全世界有好多唔同朋友，係一個好難得嘅經歷嚟」。
港故事=
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
記者：李晟謙
攝影：翁鈺輝 溫瑞麟
打開半身高的旅行篋，拿出粉底毛刷化妝掃白眉毛，拉開拉鏈袋選好鬍鬚梳理，張開閉合放鬆嘴唇肌肉，上唇黐上八字鬍，雙腳套上棕色靴子，左右肩先後穿過充撐成60吋腰圍的棗紅色外衣，最後掛上絡腮鬍鬚，戴起圓形眼鏡，不消五分鐘，強哥便變身成聖誕老人。Santa Jim走在街上揮一揮手，就已發放神奇魔力，不分老幼都笑面迎接爭相上前合照；再派糖給小孩就更受歡迎，沿途未見過Santa Jim停下休息。
相關新聞：台黑衣聖誕老人 專向露宿者送暖
「30幾年嚟，我全部工作都係對住啲小朋友多，整公仔係為小朋友睇，做節目都係為小朋友。」
一分鐘內，Santa Jim除下裝束變回真實世界的強哥。「我好似人格分裂咁，平時如果冇人傾偈，我可以好靜，由朝到晚一粒聲都冇」，坐在工廈單位走廊外的強哥，皮膚黝黑、中等身材，身穿T恤方便工作，正默默地在縫合布料，趕工製作布偶，「呢30幾年嚟，我全部工作都係對住啲小朋友多，譬如我整公仔係為小朋友睇，做嘅節目都係為小朋友」。
故事開始時，學生時期的「強仔」有六個兄弟姐妹，與父母一家九口住藍田區唐樓，每日放學回家便要幫忙做手作賺錢，「我好細個已經幫阿媽做手作嘢，我學識咗點樣繡花、油公仔」。當時的強仔雖覺得是苦差，心底裏卻未有抗拒，「我鍾意畫畫，鍾意好多手工藝，細細個已經周街執雪條棍，洗乾淨後我會用雪條棍造好多唔同嘅動物、飛機模型」，自得其樂更為日後經歷埋下種子。
後來強哥迷上了魔術，「嗰時未興（魔術），魔術亦係好難學嘅嘢，我哋通常睇書、現場睇人表演，到後來有魔術counter就去踎，睇人表演、買一啲小道具，一路識咗多啲人，就入埋魔術協會」，於是強哥順其自然地成為一個魔術師，為觀眾帶來驚喜和歡樂。
直至有一年臨近聖誕節的魔術表演，強哥構思內容時希望加入節日氣氛，「聖誕節當然做聖誕老人，我換咗衫之後已經全部小朋友圍住我，感覺好唔同，幾開心幾特別」。一次體驗已令強哥感受到聖誕老人的威力，於是保持用聖誕老人形象變魔術，強哥的故事由此又進入新一章。
2007年聖誕節，強哥原本接下的工作突然因主辦單位財困而取消，他趁空檔參加商場舉辦的聖誕老人運動會，一舉贏得賽事，大會當晚邀請他翌年到瑞典參加國際賽，想到自己「未去過咁遠咁凍嘅地方」便立即答應。不料翌年臨出發前一個月，金融風暴導致經濟不景，大會無奈通知強哥行程要取消，「即刻跌咗落嚟，冇諗過咁短時間話我聽停咗」。
再過一年，大會又再邀請強哥參加「世界聖誕老人大會」，這次終於順利出發，經過30多小時航程到達瑞典，零下氣溫的寒冬難掩強哥的雀躍，他僅穿短袖衫便下機，「可能係心態興奮，嗰陣時唔覺凍，一落機長老已經同我掉雪球、玩雪，好開心！」不過，到正式比賽時，見對手又高大又壯碩，沒有經驗的強哥一開始未想過勝出，「當玩嘅心態」。
不過，多年表演經驗的直覺，強哥的小魔術、小把戲成功吸引小孩，「我扭氣球或送糖畀小朋友，令廣場所有小朋友剎那圍住我 」，他說外國的聖誕老人以往多數只向小孩講故事、聊天，但見到派禮物的反應熱烈便立即模仿，到商場買糖派給小孩，這股吸引小孩的魔力令強哥奪冠，獲封為Santa Jim，「有架鹿車嚟叫我上車，畀鮮花咁，跟住兜個圈，嗰剎那太快，完全都唔知咩事，矇查查咁就贏咗！」
「如果你係聖誕老人，基本上係老人家對小朋友，你同佢玩、溝通，基本上唔係一份工嚟。」
得獎後強哥直言心態上變得更認真，「之前係扮嘅心態，之後係做嘅心態，兩個做法係有唔同，如果你係一個聖誕老人，基本上係一個老人家對小朋友，你同佢玩、溝通，基本上唔係一份工嚟」。強哥說聖誕老人最重要是接觸小朋友時的心態，沒有師傅，一切技巧都是個人經驗。
為保持小朋友對聖誕老人的信任，強哥表示行內有不明文規定，化身聖誕老人後除了不能食煙、飲酒、講粗口外，最重要是不能在小朋友面前變裝，「我哋喺小朋友面前唔會即刻換衫，一定去隱藏嘅地方， 你現場見到聖誕老人換裝、除鬚，會即刻感覺呢個（聖誕老人）係假嘅！」
面對小朋友30年，現今人人手執一部電子產品，強哥卻認為香港的小朋友始終相信聖誕老人，童心始終沒變，縱然他們的禮物要求越來越高，但強哥說不論飛機大炮，都會用扭氣球滿足小朋友的願望，「小朋友喺攞到氣球嗰剎那係好開心嘅，佢已經忘記咗要飛機大炮」。
「對住小朋友，其實佢哋係天真無邪嘅，你會直接感覺到佢哋對你真定假」，試過這種奇妙感覺，強哥想傳承予其他人，去感受相同的感覺，於是創立聖誕老人學院，開班教年輕人手工 、講故事、扭氣球、魔術等技巧，但稱得上徒弟的卻只有兩人，「始終都係接觸小朋友嘅工作，我想精挑細選一啲好嘅聖誕老人，寧願揀少啲但揀個好啲」，可惜其中一名徒弟今年2月卻因心臟病發不幸離世，聖誕老人都有離去一日。
不過，強哥直言不會退休，「聖誕老人冇退休嘅，我見過最老嘅聖誕老人有90幾歲，到依家都仲做緊」，他說聖誕老人是「一個幾神聖嘅任務」，每年11月強哥都會到瑞典拜訪聖誕老人長老，他形容彼此關係形同父子，「一到聖誕節自己好開心、興奮，每年諗起聖誕節到唔同地方，可以同朋友見面，你諗吓一個英文都唔識多句嘅人，可以全世界有好多唔同朋友，係一個好難得嘅經歷嚟」。
港故事=
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
長青網 - 一站式長者及護老者生活資訊網站
留言 (0)
