西環集中營︰DQ朱凱廸　明目張膽毀一國兩制

【蘋果日報】政府昨晚宣佈DQ朱凱廸參加鄉郊代表選舉資格，不少民主派及法律界人士譁然。有民主派中人指出，今次港府竟然以朱凱廸「不反對他人主張港獨」，即等同「不擁護《基本法》」DQ朱的參選資格，較以往更加明目張膽地以政治而非法律剝奪自決派參選權，跟伊朗等極權國家剝奪反對派參選權已經沒有大分別，「畀美國多一個破壞『一國兩制』例證，日後俾人制裁唔可以怪人」。
其實，不少法律界人士早已指出，《基本法》第104條及相關人大釋法，以及宣誓及聲明條例等法律條文，均不包括村代表選舉，連基本法委員會副主任譚惠珠也不敢就此表態，「即係話呢啲法律理據，可以用嚟DQ立會參選人，唔代表可以DQ村代表參選人」。
倘港遭美制裁　中共造成
即使民建聯大律師馬恩國想以《基本法》第97條，有關特區可成立諮詢性區域組織，企圖「夾硬」將村代表說成是公職人員，可受104條規管，但97條已寫明這些組織是「非政權性的區域組織」，「《基本法》寫到明唔係政權一部份，點解釋都冇可能解到變成政權性組織」。
該民主派人士氣憤地說：「如果咁都得，咁以後係咪唔講擁護習近平就等如唔擁護中國？就等如反中？就唔可以參選？」他形容今次DQ「離晒大譜」，只會令美國及國際社會再次得到例證，證明中共破壞一國兩制，「如果美國真係取消香港獨立關稅區，都係中共、港府自己造成」。
季陶
周一、三、五刊出
長青網 - 一站式長者及護老者生活資訊網站