新聞類別
財經
詳情#
【蘋果日報】【財經人物】Crostini，意大利文，意思是法包上配以裝飾點綴。五年前，本身從事製衣的黃光輝，膽粗粗開咖啡西餅店，並命名為Crostini。「朋友幫我間店改嘅，我好鍾意。因為我就好似法包，同事好似加喺上面嘅配飾，公司就變得更好。」甚懂討同事歡心的黃光輝說。
現時Crostini有22間分店，小時候黃光輝的家鄉在福建，他說電視播放的捐助廣告中，一群貧困兒童在山區生活，就是他小時候的寫照，「細個冇鞋着，七、八歲都未見過汽車。」
他在八十年代隨父母來港，活在貧窮線下。一家六口住在50呎板間房，有年節慶，一家人去尖沙嘴看燈飾，途經酒店櫥窗，看見陳設漂亮的西餅和麵包，幾兄弟你眼望我眼，心照不宣離開。
16歲在製衣公司打工，「出咗糧第一時間去酒店買個（包）嚟食。」一個包盛載的不只是奢侈，還有小時候的夢。黃光輝只有小學二年級程度，工作兩年，用自己積蓄開了小型車花廠，建立個人事業。直至八年前，他因公事到歐洲出差，某天早上享用酒店預備的牛角包，咬一口其香酥味道，再次勾起其兒時經歷及回憶，於是計劃了三年，即在五年前毅然開麵包店。
強調「客人先係老闆」
他以製衣公司賺的錢，投資七位數字開店，開業五年開始回本，其後陸續再開分店。他指策略是：「農村包圍城市」。第一間Crostini選址平民化的觀塘廣場，「唔會一開就開喺高級商場，慢慢發展，好似先喺農村開，再逐步開到城市。」
黃光輝堅持出品無添加，「當初有顧客問我哋啲牛角包點解冇牛油味，我就話冇落牛油精點會有牛油味？最難係點令顧客知道我哋產品冇添加劑。」產品用優質原材料，定價亦按成本調整，實行薄利多銷。
訪問期間，黃光輝每每回答記者問題後，都補一句，「我有咩講得唔好，唔清晰要話我知喎！」他強調「客人先係老闆」的原則，所以產品好吃與否，他從不給意見。「如果我唔鍾意食甜點，公司就冇甜點，咁樣再發展落去就係個人化嘅公司，永遠唔會進步。」他有空會落舖觀察客人反應。「公司冇老闆得，但冇顧客就唔得。」以前店舖用機沖製咖啡，後來有朋友直斥「垃圾」，黃光輝當下沒有發怒，反而感激朋友的坦白令公司改進，自此Crostini全線改用人手沖製咖啡。
黃光輝求學問有他一套，「人生應該好似一嚿好乾嘅棉花，行到唔同地方，將棉花吸滿水。我唔會覺得自己杯水好滿，因為杯水應該係冇嘢，讓唔同人為你個杯加水。」
「我心目中覺得公司發展慢，22間分店仍是保守數字。」旁人看似口出狂言，但他說是平心而論，「香港咁大，應該人人樓下都有一間休閒咖啡店，最好港鐵沿線都有。」
撰文：李海澄
攝影：譚德潤
現時Crostini有22間分店，小時候黃光輝的家鄉在福建，他說電視播放的捐助廣告中，一群貧困兒童在山區生活，就是他小時候的寫照，「細個冇鞋着，七、八歲都未見過汽車。」
他在八十年代隨父母來港，活在貧窮線下。一家六口住在50呎板間房，有年節慶，一家人去尖沙嘴看燈飾，途經酒店櫥窗，看見陳設漂亮的西餅和麵包，幾兄弟你眼望我眼，心照不宣離開。
16歲在製衣公司打工，「出咗糧第一時間去酒店買個（包）嚟食。」一個包盛載的不只是奢侈，還有小時候的夢。黃光輝只有小學二年級程度，工作兩年，用自己積蓄開了小型車花廠，建立個人事業。直至八年前，他因公事到歐洲出差，某天早上享用酒店預備的牛角包，咬一口其香酥味道，再次勾起其兒時經歷及回憶，於是計劃了三年，即在五年前毅然開麵包店。
強調「客人先係老闆」
他以製衣公司賺的錢，投資七位數字開店，開業五年開始回本，其後陸續再開分店。他指策略是：「農村包圍城市」。第一間Crostini選址平民化的觀塘廣場，「唔會一開就開喺高級商場，慢慢發展，好似先喺農村開，再逐步開到城市。」
黃光輝堅持出品無添加，「當初有顧客問我哋啲牛角包點解冇牛油味，我就話冇落牛油精點會有牛油味？最難係點令顧客知道我哋產品冇添加劑。」產品用優質原材料，定價亦按成本調整，實行薄利多銷。
訪問期間，黃光輝每每回答記者問題後，都補一句，「我有咩講得唔好，唔清晰要話我知喎！」他強調「客人先係老闆」的原則，所以產品好吃與否，他從不給意見。「如果我唔鍾意食甜點，公司就冇甜點，咁樣再發展落去就係個人化嘅公司，永遠唔會進步。」他有空會落舖觀察客人反應。「公司冇老闆得，但冇顧客就唔得。」以前店舖用機沖製咖啡，後來有朋友直斥「垃圾」，黃光輝當下沒有發怒，反而感激朋友的坦白令公司改進，自此Crostini全線改用人手沖製咖啡。
黃光輝求學問有他一套，「人生應該好似一嚿好乾嘅棉花，行到唔同地方，將棉花吸滿水。我唔會覺得自己杯水好滿，因為杯水應該係冇嘢，讓唔同人為你個杯加水。」
「我心目中覺得公司發展慢，22間分店仍是保守數字。」旁人看似口出狂言，但他說是平心而論，「香港咁大，應該人人樓下都有一間休閒咖啡店，最好港鐵沿線都有。」
撰文：李海澄
攝影：譚德潤
留言 (0)
