製衣轉型零售「挑戰大多了」

【蘋果日報】三年前曾爆出疑似被抄襲事件，當時市面有另外兩間西餅店與Crostini裝潢相似，一度令消費者混淆，「當時曾經有人投訴我哋，點解賣嘅產品同之前唔同，之後發現原來唔係我哋間舖。」黃光輝當時沒有與對手理論，認為清者自清。事隔幾年，顧客認清，「最緊要做好自己。」
Crostini賣麵包、西餅，包裝上希望有家的感覺。「我哋公司唔只係賣一個包，而係發展一個全面嘅品牌。」公司跟本地設計師和非牟利機構合作，在店內擺賣產品及自家製無縫衣物，讓客人仿如置身家中衣櫃，隨心選購。公司行多元化，黃光輝自己亦雙線發展，邊做製衣生意，邊做Crostini。他自言一個老闆黃金期只有30年，「咁到第31年係被人淘汰還是改變？」他亦逐漸放手轉型。
現時他坦言比較喜歡做零售業，「零售要處理即時反應，好多挑戰，工廠就比較沉悶，係兩種好唔同嘅營運模式。」從每天重複的工作，到每分鐘面對不同客人，挑戰大多了。「以前等批貨出問題才處理，是後知後覺。現時做零售，要先知先覺。」