新聞類別
港聞
詳情#
【蘋果日報】
今次立法會九龍西補選，其中一個令民主派代表李卓人選情陷於困境的因素，就是民協前主席馮檢基明知沒有勝算下，仍堅持去馬參選，扮演鎅票者角色。
有民主派中人預計，雖然馮一再否認他為建制派鎅票，但投票前不斷爆出他助選人員，疑似與建制候選人陳凱欣助選團有關連，「佢（馮檢基）係咪幫建制，明眼人都睇到」，他更相信類似鎅票手法，到2020立會選舉將會更多「馮檢基」出現，「如果唔加議席，建制又要搶更多位，唯一方法就係鎅走泛民票，搶泛民嘅位」。
利用過氣民主派光環
雖然馮檢基否認他參選是要鎅票，但該民主派中人指，連日不斷有報道指馮與建制派陳凱欣疑似共用宣傳人員，更被人拍到該「雙重身份」助選人員，一時高舉馮直幡、提醒馮助選團工作，一時為陳看管物資。雖然馮企圖以該人是「兼職」人員開脫，強調自己不知情，「你馮檢基咁老江湖、選過咁多次，有個陳凱欣嘅助選人員喺你助選團入面會唔知？」所以他認為馮是否為建制鎅票，「睇到呢單嘢，大家唔使講都明」。
該民主派又認為，相信北京、西環在日後選舉，一定會找更多過氣民主派出來鎅票。他以馮檢基及今屆立會選舉出戰九西的狄志遠為例，他們憑住以往民主派光環，「要拎1萬票左右唔難」，這個票數在立會大選中，「贏一個位唔夠，但可以鎅走泛民最低票候選人嘅票，等你搶唔到最後一席」。特別是新東、新西這些多議席大區，若下屆立會不增加議席下，建制又要搶更多席位，就只有找人出來鎅票，「等民主派跌番個議席畀建制」，所以他預計未來立會選舉將有更多「馮檢基」出現，「打到民主派少過（立法會）三分一議席」。
季陶
周一、三、五刊出
今次立法會九龍西補選，其中一個令民主派代表李卓人選情陷於困境的因素，就是民協前主席馮檢基明知沒有勝算下，仍堅持去馬參選，扮演鎅票者角色。
有民主派中人預計，雖然馮一再否認他為建制派鎅票，但投票前不斷爆出他助選人員，疑似與建制候選人陳凱欣助選團有關連，「佢（馮檢基）係咪幫建制，明眼人都睇到」，他更相信類似鎅票手法，到2020立會選舉將會更多「馮檢基」出現，「如果唔加議席，建制又要搶更多位，唯一方法就係鎅走泛民票，搶泛民嘅位」。
利用過氣民主派光環
雖然馮檢基否認他參選是要鎅票，但該民主派中人指，連日不斷有報道指馮與建制派陳凱欣疑似共用宣傳人員，更被人拍到該「雙重身份」助選人員，一時高舉馮直幡、提醒馮助選團工作，一時為陳看管物資。雖然馮企圖以該人是「兼職」人員開脫，強調自己不知情，「你馮檢基咁老江湖、選過咁多次，有個陳凱欣嘅助選人員喺你助選團入面會唔知？」所以他認為馮是否為建制鎅票，「睇到呢單嘢，大家唔使講都明」。
該民主派又認為，相信北京、西環在日後選舉，一定會找更多過氣民主派出來鎅票。他以馮檢基及今屆立會選舉出戰九西的狄志遠為例，他們憑住以往民主派光環，「要拎1萬票左右唔難」，這個票數在立會大選中，「贏一個位唔夠，但可以鎅走泛民最低票候選人嘅票，等你搶唔到最後一席」。特別是新東、新西這些多議席大區，若下屆立會不增加議席下，建制又要搶更多席位，就只有找人出來鎅票，「等民主派跌番個議席畀建制」，所以他預計未來立會選舉將有更多「馮檢基」出現，「打到民主派少過（立法會）三分一議席」。
季陶
周一、三、五刊出
留言 (0)
