新聞類別
財經
詳情#
【蘋果日報】富昌金融老闆郭俊偉最近幫旗下珠寶行，改名為「偉福珠寶」，「偉」取自佢個名，「福」呢，就係佢見有「福」字嘅珠寶店，生意都好好，好似六福（590）同周大福（1929），所以就照跟咁話。
細仔負責打理
郭老闆將珠寶業務交畀細仔郭曉澤（Danny）負責，Danny話，上環間舖，開業唔夠一年已經回本，佢哋準備星期五開一個鑽石首飾網上平台。
佢解釋，做珠寶業務，原先想做埋證券行客戶生意，但後來發現唔太work，於是就行社交媒體marketing，吸引新客，幾千蚊貨仔都有客源。Danny打算遲啲修讀珠寶鑑證，認真上進。Danny有個阿哥，家陣喺英國讀緊MBA，明年返香港或者會幫手打理屋企生意。
一向熱愛打Golf嘅郭俊偉平時鍾意上載各地高爾夫球場相上社交網站，佢話，近排會周末快閃深圳、越南同台灣等地打Golf。佢自己都話，最花錢嘅嗜好就係打Golf，淨係會籍都要幾球，深圳球會兩百萬算平㗎喇。
李華華
LiWaWa@AppleDaily.com
細仔負責打理
郭老闆將珠寶業務交畀細仔郭曉澤（Danny）負責，Danny話，上環間舖，開業唔夠一年已經回本，佢哋準備星期五開一個鑽石首飾網上平台。
佢解釋，做珠寶業務，原先想做埋證券行客戶生意，但後來發現唔太work，於是就行社交媒體marketing，吸引新客，幾千蚊貨仔都有客源。Danny打算遲啲修讀珠寶鑑證，認真上進。Danny有個阿哥，家陣喺英國讀緊MBA，明年返香港或者會幫手打理屋企生意。
一向熱愛打Golf嘅郭俊偉平時鍾意上載各地高爾夫球場相上社交網站，佢話，近排會周末快閃深圳、越南同台灣等地打Golf。佢自己都話，最花錢嘅嗜好就係打Golf，淨係會籍都要幾球，深圳球會兩百萬算平㗎喇。
李華華
LiWaWa@AppleDaily.com
留言 (0)
