街市翻新勁加租　商戶難捱

【蘋果日報】沙田第一城內設兩座商場，原稱第一城中心及銀城商場。2010年7月，大業主置富產業信託將商場及街市翻新及易名，將兩商場改為「置富第一城」及「置富第一城．樂薈」，另將原有街市易名為「置富第一城．集」。
居民：地磚成日跣親街坊
在街市經營雜貨店達20年的商戶林太直言：「以前第一城街市好出名，附近地區住豪宅嘅人都嚟買餸，經常見到趙雅芝兩公婆幫襯街市檔口。不過依家唔同，因為好多客俾人鎖車，豪宅客改去其他街市；依家店內貴價海味少咗人買，只靠老街坊生意，後生仔又少煮飯，多數幫襯買兩、三隻雞蛋或者少少乾貨。加咗租，客又少，生意少咗大半。」
商場大業主置富產業信託2010年中斥資約1億元，分階段大翻新面積達40萬方呎的沙田第一城商場，以及美化商場的中央花園，全部工程2012年竣工；並引入多間連鎖店，提升形象，但翻新後店舖加租幅度達1至2倍。
有居民說：「商場翻新之後明顯煥然一新，商舖、食肆明顯多過以前，引入咗連鎖店，衣食住行相比以前都高級咗好多，但花費都唔少。商場雖然靚，但內外嘅地磚喺落雨天成日跣親街坊。」