「徒弟」：他早已不是民主派

【蘋果日報】黃仲棋（圖）一向被視為馮檢基的徒弟，三年前的區議會選舉，兩人同區參選，遭馮炮轟他鎅票。今天輪到馮檢基被民主派狠斥鎅票，黃仲棋坦言即使認識馮多年，也不清楚對方生意狀況，但直言經濟與政治利益有沒有關係，「睇睇佢做啲乜生意就知道」。被問馮今次是否鎅票，黃仲棋意味深長地說「不覺得」，因早已不再視馮為民主派，「永遠都係人哋鎅佢（馮檢基票）、冇佢鎅人」。
黃仲棋與馮檢基識於微時，兩人曾一起打下民協江山，卻因區選被指鎅票令馮落敗而交惡，面對外界質疑馮與內地千絲萬縷生意關係，黃表示不太清楚而難作判斷，他只相信「通常話究竟有冇一啲經濟同政治利益嘅關係，其實好簡單，睇睇佢做啲乜生意就知道」。
他亦對馮有這等內地生意有少許驚訝，「如果你喺立法會，根本你點做一盤真係真正商業嘅業務？尤其是一把年紀，點做？好難做！你要花心思、心血，同時又可以兼顧咁高層次嘅政治參與，我就覺得係都好叻」。
轟馮對鎅票持雙重標準
對於馮是否鎅票，黃仲棋覺得先要界定馮是否民主派，「你（民主派）一路都認定佢係民主派，你認定民協、佢領導嘅係民主派，咁你咪會覺得佢係鎅票囉」。黃特別指出，民主派人士籌組港同盟時，若非馮檢基大有意見，今日的民協早已是民主黨一部份，其後北京成立臨立會，民協決定加入後，「喺選舉（1998年首次立法會選舉）裏面，其實選民亦都有懲罰過參加臨立會嘅議員」，因此他覺得馮檢基早就與民主派分開了。
回憶2015年區選一役，黃仲棋仍歷歷在目，對馮當日批評他鎅票，到今天自己做相同的事，卻振振有辭覺得沒問題，黃仍覺有點不忿：「佢（馮檢基）嗰時都冇初選呀，亦都係欽點啦，作為麗閣區嘅區議會候選人，泛民咪又係要支持佢」。
黃又不點名提到已向民協申請凍結黨籍，好為馮檢基助選的民協社區主任李炯，黃稱，「好似麗閣區嗰個社區主任，我凍結黨籍，所以我去幫佢（馮檢基），完咗之後我又返番去民協恢復黨籍，跟住下次區議會我又係民主派唯一代表喇」，「只係泛民包容民協，或者包容馮檢基，去到依家可能要受番（鎅票）咯」。以一句說話形容，黃覺得在馮檢基眼中是「永遠都係人哋鎅佢（票）、冇佢鎅人」。
■記者呂浩然