新聞類別
港聞
詳情#
【蘋果日報】「佢（疑犯）個樣好斯文好友善，但佢搞咁多嘢，估計是有晒諗頭要走㗎啦」。住在疑犯隔籬床的何伯（圖）表示，在醫院看守疑犯的警員至少換更7次，雖然疑犯多次「撒賴」稱肚痛要去廁所，但警員都很小心用鎖鏈鎖住他去廁所，「好似拖隻狗咁」，直至昨晨兩名男女警員替他解鎖，才被他有機可乘逃去。
何伯指疑犯初入病房時，經常大吵大鬧稱肚痛要去廁所，一日去幾次，又稱自己是醫生，持多明尼加護照，曾在非洲感染病毒，要食抑壓劑去壓制病毒，聲稱「若唔食藥（病毒）就會變種」，但醫生未有理會，稱要驗血作實。其後疑犯又稱眼痛，要找眼科醫生。
警轉七更 保安程度越換越鬆
何伯稱初時警員對疑犯都很緊張，疑犯要上廁所，除鎖上手銬及鐵鏈外，亦會用腳「頂住隻門」，防止疑犯將門反鎖，「去廁所好似拖住隻狗咁」，但警員每數小時就轉一次更，他數過至少轉了七更，保安程度就「越換越鬆」，最後一更就「最蝦碌」。
何伯又表示，昨凌晨疑犯由警署押返病房後，又稱腹瀉要去廁所及要求沖涼，又謂有愛滋病，但警員未有放鬆警戒，「押佢返嚟嘅警察好謹慎，疑犯話要落床，不斷話要沖涼」，但警員拒絕其要求，只給清水及毛巾讓他抹身。疑犯要去廁所，警員都鎖住他，才讓他去廁所。「佢去咗兩次廁所，之後見差人唔係好賣佢賬，就乾脆瞓覺」。何伯因不勝疑犯煩擾，要求服安眠藥，至昨晨6時醒來見已經換了兩男女警員看守，他食早餐後再補睡。
至昨晨8時許，何伯被警員拍廁所門聲吵醒：「LEON，你好出嚟喇！」其後警員打開門，驚叫「哎呀，走咗啦！」何伯又說「隔籬房有個阿叔（病人）見到佢（疑犯）由廁所走出嚟，身上冇手銬同鐵鏈」。另有保安員曾經見疑犯離開醫院向沙宣道逃去。
何伯指LEON身形健碩，聰明且斯文有禮，主要說英語，也說普通話。曾對他說：「唔好意思嘈住你。」他估計LEON早有預謀，多次去廁所視察，再找漏洞逃走。
■記者劉柏麟
何伯指疑犯初入病房時，經常大吵大鬧稱肚痛要去廁所，一日去幾次，又稱自己是醫生，持多明尼加護照，曾在非洲感染病毒，要食抑壓劑去壓制病毒，聲稱「若唔食藥（病毒）就會變種」，但醫生未有理會，稱要驗血作實。其後疑犯又稱眼痛，要找眼科醫生。
警轉七更 保安程度越換越鬆
何伯稱初時警員對疑犯都很緊張，疑犯要上廁所，除鎖上手銬及鐵鏈外，亦會用腳「頂住隻門」，防止疑犯將門反鎖，「去廁所好似拖住隻狗咁」，但警員每數小時就轉一次更，他數過至少轉了七更，保安程度就「越換越鬆」，最後一更就「最蝦碌」。
何伯又表示，昨凌晨疑犯由警署押返病房後，又稱腹瀉要去廁所及要求沖涼，又謂有愛滋病，但警員未有放鬆警戒，「押佢返嚟嘅警察好謹慎，疑犯話要落床，不斷話要沖涼」，但警員拒絕其要求，只給清水及毛巾讓他抹身。疑犯要去廁所，警員都鎖住他，才讓他去廁所。「佢去咗兩次廁所，之後見差人唔係好賣佢賬，就乾脆瞓覺」。何伯因不勝疑犯煩擾，要求服安眠藥，至昨晨6時醒來見已經換了兩男女警員看守，他食早餐後再補睡。
至昨晨8時許，何伯被警員拍廁所門聲吵醒：「LEON，你好出嚟喇！」其後警員打開門，驚叫「哎呀，走咗啦！」何伯又說「隔籬房有個阿叔（病人）見到佢（疑犯）由廁所走出嚟，身上冇手銬同鐵鏈」。另有保安員曾經見疑犯離開醫院向沙宣道逃去。
何伯指LEON身形健碩，聰明且斯文有禮，主要說英語，也說普通話。曾對他說：「唔好意思嘈住你。」他估計LEON早有預謀，多次去廁所視察，再找漏洞逃走。
■記者劉柏麟
留言 (0)
