新聞類別
港聞
詳情#
【蘋果日報】近日秋風乍起，走在街道上先是嗅到一陣燒烤味道，繼而傳來鑊鏟兜炒鐵鑊的聲音，再看到一縷白煙湧出，跟隨着聲音氣味追尋，在人流最旺之處就會找到季節限定的炒栗子檔。這場面每年都會在旺角東站天橋底重複上映，主角是栗子檔老闆娘蘇太，50年前開檔炒栗子是為謀生，千錘百煉習得一門好手藝，現今開檔既為生計也為滿足客人。
記者：李晟謙 攝影：劉柏麟
訪問站在旺角街頭進行，老闆娘蘇太說要開檔搵食，無暇坐下來慢慢談。天橋底下，她忙着拿着半個身長的鑊鏟炒栗子，亦要兼顧煨番薯的炭爐，然而這只是忙碌工作的一小片段。每日早上8時，老闆娘便要親自到油麻地果欄選購栗子、番薯，確保品質，「邊批栗子靚我就買邊批，總之我唔理佢幾多錢返，貴都好我都要買靚，買平栗子返來冇生意做㗎！」
入貨後，老闆娘會篩選栗子，然後用鹽生炒雞蛋及鵪鶉蛋，做完準備工序，老闆娘便會和丈夫一同推着過百磅重的栗子車，走過7、8個街口到旺角東站天橋底開檔。仔女上學的日子，老闆娘晚上8時回家，「老公就開到10點，我8點就返屋企煮飯畀細路食」，仔女放假時，她就會留守到晚上10時。
人手生炒 色香味俱全
這工序蘇太做了50年，當時她仍是陳小姐，一家8口居於九龍城的木屋，她說入行炒栗子只因「冇錢、窮」。栗子檔始於她父親，9歲時她已陪同父親由九龍城到觀塘開檔幫忙，「唔夠高咪擔凳仔企喺度炒，細佬妹要食飯嘛！」至12歲父親離世後，一家生活更是捉襟見肘，「老竇走之後，老母擸晒頭家做，幾兄弟姊妹邊個得閒邊個做，初初都係我做先」。
後來老闆娘的哥哥也在觀塘擺檔炒栗子，為開拓客源，她轉到旺角區擺檔，小妮子每日推着重甸甸的栗子車來回，還要拿起鑊鏟炒栗子，不諱言常常「炒到喊」。當時小販行業競爭激烈，惟有真材實料先得到顧客欣賞，雖然機器炒栗子更省力，不過多年來老闆娘堅持生炒栗子，貪其香味更佳，由父親傳下來，一窩黑黝黝的黑砂是最好見證，「砂越耐越好，佢有香味喺晒入面，色香味俱全」，一路至今，成為區內標誌。
每年中秋節過後，老闆娘就開始擺檔，至翌年清明節前後收爐，但其餘日子並不能休息，「要搵食嘛，冬天搵幾個月，熱天就冇㗎喇！」老闆娘說收爐後需要租地方放置栗子車，又要賺錢養活，根本不能停下。這段時間她便到處打工，既做店員又賣生果，結果邂逅了蘇先生。
「佢識（追求）我㗎，唔係我識（追求）佢」，蘇太不嫌煩再作提醒，兩人在觀塘的生果檔認識，那一刻蘇太已表明要謀生不會拍施，卻不但沒有嚇走蘇生，他更買飯給她吃，「我落（果）欄佢就落（果）欄，姻緣真係整定，趕極都唔走」。話雖如此，但嘴巴卻帶有微笑。
周身病痛 子女拒入行
年輕時的老闆娘，其實不想結婚，「冇理由咁戇居，有家庭綁住點去旅行，唔去旅行就笨囉！」不過母親多番催促下，於是提前決定結婚。自小在街頭謀生，老闆娘特別知命，沒有一聲抱怨，婚後她專心投入家庭，先後誕下兩子一女，然而謀生的步伐從未停止，開檔的日子繼續開檔，「大住個肚都照炒，孭住（小孩）喺背脊，BB車喺度，3個細路都係咁炒㗎！」
生下孻女前，老闆娘要一腳踢擺檔，「老公返酒樓邊得閒幫你呀，咪我一個人做晒囉，我叫佢（丈夫）幫我手呀，我話照顧唔到3個細路呀」，丈夫聽到後二話不說辭工，從頭學習炒栗子的技巧，亦令丈夫承傳了這門手藝，贏得老闆娘一句「手藝都可以」。
行年59的老闆娘，將近退休年齡，雖然目前未有退休打算，但接手問題倒也想過。原本她想將手藝傳授給子女，「可以求生嘛，就算冇嘢做，街邊搵兩餐都唔會餓死，雖然唔好睇箒」。但子女見母親周身病痛，情願做打工仔。的確，老闆娘在訪問中未有一刻停下，炒好栗子後，要篩走黑砂放入木桶，然後翻炒栗子免積累水氣，其間不時翻動炭爐的番薯以免煨燶，更要掃乾淨路上的黑砂。
多年的勞動，老闆娘換來一身傷患，腳帶護膝腰纏腰封，堅持炒栗子檔莫非收入特別好？老闆娘卻透露開檔賺得的收入與打工差不多，繼續的動力全因有人欣賞，「（客人）乜嘢都買畀我食，當朋友咁，有時啲客仲請我飲茶」，更有客人買走數十個番薯，贈予志蓮淨苑行善。當年為生活喊着炒栗子的小妮子，一念的轉變，今日反過來引以為傲，「有人欣賞我就開心，最緊要有人欣賞，證明你做得好先有人欣賞你！」
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
記者：李晟謙 攝影：劉柏麟
訪問站在旺角街頭進行，老闆娘蘇太說要開檔搵食，無暇坐下來慢慢談。天橋底下，她忙着拿着半個身長的鑊鏟炒栗子，亦要兼顧煨番薯的炭爐，然而這只是忙碌工作的一小片段。每日早上8時，老闆娘便要親自到油麻地果欄選購栗子、番薯，確保品質，「邊批栗子靚我就買邊批，總之我唔理佢幾多錢返，貴都好我都要買靚，買平栗子返來冇生意做㗎！」
入貨後，老闆娘會篩選栗子，然後用鹽生炒雞蛋及鵪鶉蛋，做完準備工序，老闆娘便會和丈夫一同推着過百磅重的栗子車，走過7、8個街口到旺角東站天橋底開檔。仔女上學的日子，老闆娘晚上8時回家，「老公就開到10點，我8點就返屋企煮飯畀細路食」，仔女放假時，她就會留守到晚上10時。
人手生炒 色香味俱全
這工序蘇太做了50年，當時她仍是陳小姐，一家8口居於九龍城的木屋，她說入行炒栗子只因「冇錢、窮」。栗子檔始於她父親，9歲時她已陪同父親由九龍城到觀塘開檔幫忙，「唔夠高咪擔凳仔企喺度炒，細佬妹要食飯嘛！」至12歲父親離世後，一家生活更是捉襟見肘，「老竇走之後，老母擸晒頭家做，幾兄弟姊妹邊個得閒邊個做，初初都係我做先」。
後來老闆娘的哥哥也在觀塘擺檔炒栗子，為開拓客源，她轉到旺角區擺檔，小妮子每日推着重甸甸的栗子車來回，還要拿起鑊鏟炒栗子，不諱言常常「炒到喊」。當時小販行業競爭激烈，惟有真材實料先得到顧客欣賞，雖然機器炒栗子更省力，不過多年來老闆娘堅持生炒栗子，貪其香味更佳，由父親傳下來，一窩黑黝黝的黑砂是最好見證，「砂越耐越好，佢有香味喺晒入面，色香味俱全」，一路至今，成為區內標誌。
每年中秋節過後，老闆娘就開始擺檔，至翌年清明節前後收爐，但其餘日子並不能休息，「要搵食嘛，冬天搵幾個月，熱天就冇㗎喇！」老闆娘說收爐後需要租地方放置栗子車，又要賺錢養活，根本不能停下。這段時間她便到處打工，既做店員又賣生果，結果邂逅了蘇先生。
「佢識（追求）我㗎，唔係我識（追求）佢」，蘇太不嫌煩再作提醒，兩人在觀塘的生果檔認識，那一刻蘇太已表明要謀生不會拍施，卻不但沒有嚇走蘇生，他更買飯給她吃，「我落（果）欄佢就落（果）欄，姻緣真係整定，趕極都唔走」。話雖如此，但嘴巴卻帶有微笑。
周身病痛 子女拒入行
年輕時的老闆娘，其實不想結婚，「冇理由咁戇居，有家庭綁住點去旅行，唔去旅行就笨囉！」不過母親多番催促下，於是提前決定結婚。自小在街頭謀生，老闆娘特別知命，沒有一聲抱怨，婚後她專心投入家庭，先後誕下兩子一女，然而謀生的步伐從未停止，開檔的日子繼續開檔，「大住個肚都照炒，孭住（小孩）喺背脊，BB車喺度，3個細路都係咁炒㗎！」
生下孻女前，老闆娘要一腳踢擺檔，「老公返酒樓邊得閒幫你呀，咪我一個人做晒囉，我叫佢（丈夫）幫我手呀，我話照顧唔到3個細路呀」，丈夫聽到後二話不說辭工，從頭學習炒栗子的技巧，亦令丈夫承傳了這門手藝，贏得老闆娘一句「手藝都可以」。
行年59的老闆娘，將近退休年齡，雖然目前未有退休打算，但接手問題倒也想過。原本她想將手藝傳授給子女，「可以求生嘛，就算冇嘢做，街邊搵兩餐都唔會餓死，雖然唔好睇箒」。但子女見母親周身病痛，情願做打工仔。的確，老闆娘在訪問中未有一刻停下，炒好栗子後，要篩走黑砂放入木桶，然後翻炒栗子免積累水氣，其間不時翻動炭爐的番薯以免煨燶，更要掃乾淨路上的黑砂。
多年的勞動，老闆娘換來一身傷患，腳帶護膝腰纏腰封，堅持炒栗子檔莫非收入特別好？老闆娘卻透露開檔賺得的收入與打工差不多，繼續的動力全因有人欣賞，「（客人）乜嘢都買畀我食，當朋友咁，有時啲客仲請我飲茶」，更有客人買走數十個番薯，贈予志蓮淨苑行善。當年為生活喊着炒栗子的小妮子，一念的轉變，今日反過來引以為傲，「有人欣賞我就開心，最緊要有人欣賞，證明你做得好先有人欣賞你！」
港故事
有些人有些事，越是美好越留不住。本土手藝、傳統行業、街頭老店，都帶給我們生活的溫度和記憶的厚度，如果你知道有這樣的故事，歡迎提供。（致電或WhatsApp 6383 6568 註明「港故事」）。
留言 (0)
