李柱銘：未聞單查方案

【蘋果日報】本報就解密檔案的資料查詢前基本法草委李柱銘，他說從未聽聞「單查方案」，指基本法起草委員會於1985年7月才獲委任及舉行首次會議，但「單查方案」已於1985年9月提出，他感到詫異，「當年7月先首次開會，只係傾大綱，但檔案寫到查濟民好似已經同草委傾過，可能佢同部份草委傾，但我同華叔（司徒華）喺大會上一定冇聽過，如果有，我哋實反對，呢嗰方案太保守。而且當年每次開完會，小組召集人一定會同記者匯報，冇理由會冇人唔報道。」
指不排除中方背後出手
李柱銘說，不排除這個方案背後「有人出手」，「可能係中共，或者係一班工商界人士諗出嚟，因為當年適值立法局選舉，佢哋或者想增加影響力」 。
提及查濟民搵當年剛退休的前民政司黎敦義參與撰寫這份極保守的「單查方案」，李柱銘認為這是工商界一貫做法，「工商界喜歡搵退休高官做顧問，希望利用佢哋喺政府嘅影響力，令政府接納佢哋意見」。1985年晉身立法局的他稱，當年黎敦義已退休，「工作上冇乜接觸，只係喺啲社交場合見過，同佢並唔熟絡」。